Dy aksidente me vdekje në Fier e Koplik, mjetet përplasin drejtuesit e motorëve

Dy aksidente me vdekje janë regjistruar këtë të dielë në vendin tonë. Drejtuesit e dy motorëve janë përplasur për vdekje nga drejtuesit e dy automjeteve. Aksidenti i parë ka ndodhur në fshatin Topojë të Fierit, ku një automjet tip Mercedes-Benz ka përplasur për vdekje drejtuesin e motorit, Vladimir Sema, rreth 60 vjeç.

Sipas banorëve, automjeti ishte futur në parakalim dhe i bllokoi krahun viktimës, duke e hedhur atë në një kanal pranë rrugës. Drejtuesi A. M., është shoqëruar në polici. Banorët shfaqen të revoltuar me mungesën e sigurisë në rrugë dhe drejtuesit e mjeteve që u rrezikojnë jetën fëmijëve të këtyre banorëve me shtëpitë anës rrugës.

"Po vriten njerëzit si zogjtë, s’guxojmë të nxjerrim fëmijët nga porta. E lëshojnë makinën me shpejtësi, ska as barrierira për uljen eshtpejtësisë, po vdesin njerëzit si zgjogjtë.....", thotë një banore. 

LEXO EDHE:
Vodhën 140 mijë € në Shkodër, pas mashtrimit në Exchange fshiheshin 3 gjeorgjianë! Njëri kapet në Stamboll, deportohet! Dyshohet se vodhën edhe në Tiranë e Vlorë

Ndërkohë, aksidenti tjetër ka ndodhur në aksin Koplik – Bajze në Shkodër. Si pasojë e përplasjes, drejtuesi i motorit, 66-vjeçari Rasim Shabaj ka humbur jetën.

Pamje nga aksidenti në Shkodër

SI.E./Shqiptarja.com

TAG:
• Shkoder
• Vladimir Sema
• Fier
• aksident me vdekje