POP 5

Lajmet më të lexuara të 5 minutave të fundit

Kronikë

Fier/ Ndotja e Gjanicës, policia identifikon një tjetër kompani private! I arreston punëtorin e pastrimit, procedon administratorin e përgjegjësin

Policia i ka shpallur luftë ndotjes së lumit të Gjanicës, një fenomen i përsëritur në këtë qytet.

FIER - Policia i ka shpallur luftë ndotjes së lumit të Gjanicës, një fenomen i përsëritur në këtë qytet. Pas ndalimit të drejtuesve teknikë të dy kompanive private sot u vu në pranga një punonjës i një tjetër kompanie private.

Gjergji Pambuku punonjës i sektorit të pastrimit të kompanisë u arrestua ndërsa u proceduan penalisht administratori i kësaj kompanie dhe përgjegjësi i sektorit të pastrimit në këtë kompani. 

Pas informacioneve të siguruara nga inteligjenca policore se një tjetër kompani me aktivitet në përpunimin e hidrokarbureve, shkarkonte mbetje në lumë, shërbimet e Policisë kanë shkuar në vendin e quajtur "Ish-UPN", Fier, ku kanë kapur në flagrancë shtetasin Pambukun, punonjës i sektorit të pastrimit të kompanisë duke shkarkuar mbetjet e hidrokarbureve.

U proceduan penalisht shtetasit Shaban Guni., 64 vjeç, administrator i kompanisë private dhe Met Backa, 65 vjeç, përgjegjës i sektorit të pastrimit në këtë kompani.

“Këta shtetas, nëpërmjet aktivitetit të tyre në fushën e hidrokarbureve, kanë ndotur ujërat e lumit Gjanica, pasi kanë shkarkuar aty, mbetjet e këtyre lëndëve, duke shkaktuar prishjen e sistemit ekologjik të lumit” informoi sot policia.

Prokuroria po I heton për veprime të mëtejshme, për veprën penale "Ndotja e ajrit, e ujërave dhe e tokës".

Ky është rasti i dytë brenda dy ditësh. Dje Dy drejtues teknikë të kompanisë publike Albpetrol dhe një punonjës i kompanisë së nxjerrjes së naftës, Terra Oil, po hetohen nga policia e Fierit për shkarkimet e naftës që ndotën lumin Gjanica këtë javë.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Mars, 07:27

    A mendoni se SPAK po e heton siç duhet masakrën e Gërdecit?

Lajme të tjera



×

Lajmi i fundit

‘Xhaminë donin ta bënin me pallat dhe supermarket’/ Rama sqaron për herë të parë prapaskenat e Namazgjasë pas shashkës së të ftuarës

‘Xhaminë donin ta bënin me pallat dhe supermarket’/ Rama sqaron për herë të parë prapaskenat e Namazgjasë pas shashkës së të ftuarës

15 Mars, 17:19