Fier/ Sherr mes adoleshentëve, vritet me thikë 20-vjeçari, nxënës te ‘Petro Sota’! Arrestohet autori! Konflikti nisi në rrjetet sociale

I riu Grei Bihuci që u vra sot me thikë në Fier pas një sherri me një tjetër adoleshent, kishte qenë më parë edhe futbollist me moshat e reja të klubit të Apolonisë.

Ish-trajneri i tij Blendi Vashaku ka bërë një dedikim prekës për 19 vjeçarin duke kujtuar edhe stërvitjet që kishin pasur tek Apolonia ku i riu luante si portier. 

“Grei qofsh banor i xhenetit!

‘Presor e bëra gabim, a ta përsëris edhe njëherë?

Përsërite Grei

Këto ishin fjalët që më ngelën në kujtimet e mia kur u stërvisnim bashkë tek Apolonia, djalë i mrekullueshëm rrezatonte vetëm mirësi dhe dashuri. Buzëqeshja që na dhuroje çdo ditë dhe sot nuk do e shikojmë më, na dhemb, e lus Zotin të të bëjë banor të xhenetit”- shkruan ish-trajneri i të ndjerit.

Shkolla profesionale ‘Petro Sota’ ka reaguar për vrasjen e nxënësit 20-vjeçar Grei Bihuci nga një adoleshent pas një sherri në rrjetet sociale. Në shkrimin e publikuar në faqen zyrtare të shkollës, viktima përshkruhet si djal shembullor dhe i etur për dije.

“Me hidhërim të thellë njoftojmë se bangave të shkollës sonë, shokëve, mësuesëve, prindërve dhe dy motrave, do ju mungojë Grei Bihuci, ky djalë i dashur, shembullor, i zgjuar dhe i papërtuar për të marrë dije. Dhimbja dhe lotët janë të pashtershëm për ty Grrei.

I shprehim ngushëllime të përzemërta familjarëve të Greit! Qofsh i paharruar në zemrat tona!”- thuhet në reagim.

Report Tv ka siguruar foton e të riut Grei Bihucit, 19-vjeçarit që humbi jetën në spital për shkak të plagëve të shumta. Ai u godit me thikë në qendër të Fierit nga 18-vjeçari Florjan Muka, i cili u arrestua nga policia. 

19-vjeçari, Grei Bihuci ishte nxënës i shkollës së mesme profesionale “Petro Sota” dhe studionte për informatikë. Ndërsa pasditeve, punonte kamerier në një bar-pasticeri në Bulevardin “Jakov Xoxa”, pranë vendit ku ndodhi krimi.

Një ngjarje e rëndë ndodhi në Fier, ku një 19 -vjeçar ka mbetur i vdekur nga plagët e marra thike pas një sherri mes të rinjsh në qendër të Fierit.

Paralel me ngjarjen e rëndë, një hajdut vetëm pak metra më larg ka tentuar t’i vjedhë çantën një gruaje.

Mirëpo, ai menjëherë ka rënë në prangat e policisë.

Grei Bihuci, 19-vjeçari që u vra sot me thikë ngë një 18-vjeçar në qendër të Fierit ishte nxënës në shkollën profesionale ‘Petro Sota’, në degën TIK.

19-vjeçari kishte bërë 2 orë mësim dhe kishte ikur nga shkolla. I riu punonte pasdite si kamerier në një pastiçeri.

Ndërkohë në pranga ka rënë edhe Florjan Muka.

Disa nxënës shkolle me çanta në shpinë janë para pranë vendit të ngjarjes ku ndodhi vrasja e një 19-vjeçari me thikë nga një 18-vjeçar pas një konflikti të çastit në qendër të Fierit.

Viktima Grei Bihuci ishte nxënës i shkollës profesionale ‘Petro Sota’, ndërsa mbasdite punonte si kamarier.

Ende nuk dihen shkaqet se pse ka ndodhur ngjarja.

Një ngjarje e rëndë ka ndodhur sot në qendër të Fierit.

Burime bëjnë me dije se Florjan Muka 18-vjeç, pas një konflikti për motive të dobëta ka plagosur me mjet prerës (thikë), Grei Bihucin, i cili si pasojë e plagëve të marra ka humbur jetën në spital. 

Report Tv sjell pamjet nga vendi i ngjarjes ku mbeti i vrarë një 18-vjeçar në qendër të Fierit.

Sipas burimeve për Report Tv, katër të rinj janë përfshirë në një konflikt në një lokal e më pas sherri ka degraduar në qendër të Fierit, ku është goditur një 18-vjeçar, i cili ka ndërruar jetë në spital.

Policia ka arrestuar ne flagrance autorin.