FIER- Një polic ka shkuar i plagosur në spital mbrëmjen e kësaj të premte në qytetit e Fierit. Burime për Report Tv bëjnë me dije se bëhet fjalë për efektivin Klodjan Lamaj, punonjës i Komisariatit të Policisë Peqin. Polici ka shkuar në spital rreth orës 21:20, ku mësohet se ka një plagë në këmbë dhe ndodhet nën kujdesin e mjekëve.
Nga deklarimet e tij, mësohet se bëhet fjalë për një ngjarje aksidentale, megjithatë mësohet se SHÇBA dhe Prokuroria kanë nisur hetimet për sqarimin e rrethanave të ngjarjes.
"Sot rreth orës 21:20, në spitalin e Fierit, ka shkuar i plagosur me armë zjarri në këmbë në rrethana ende të paqarta, punonjësi i policisë K. L., 39 vjeç, banues në Fier, (punonjës i Komisariatit të Policisë Peqin), i cili ndodhet nën kujdesin e mjekëve.
Punonjësi i policisë paraprakisht ka deklaruar se është vetëplagosur aksidentalisht. Grupi hetimor në bashkëpunim me SHÇBA dhe Prokurorinë po punojnë për sqarimin e rrethanave të ngjarjes", njofton Policia.