FIER-Gjykata ka lënë në burg tre të rinjtë, që akuzohen për rrëmbimin dhe tentativën e përdhunimit të 13-vjeçares nga Roskoveci pak ditë më parë. Me kërkesë të prokurores Violeta Shkurti, gjyqtarja Adelina Zarka i la në burg; Redion Tereziun 22 vjeç, Jorges Dostin 24 vjeç dhe Marjus Çalamenin 24 vjeç.

Arrestimi i tyre u bë dy ditë më parë, pasi dyshohet se në bashkëpunim me njëri tjetrin kanë marrë forcërisht një të mitur 13 vjeçe, e kanë çuar në një banesë të pabanuar dhe kanë tentuar që të kryejnë marrëdhënie seksuale me dhunë.

Tashmë ata do të përballen me dy akuza, "Heqje e paligjshme e lirisë" dhe "Marrëdhënie seksuale me të mitur" e mbetur në tentativë, parashikuar nga Nenet 110/2, 100 e 22 të Kodit Penal. Por familjarët e njërit prej të arrestuarve, Marjus Çalameni deklarojnë se i djali i tyre është i pafajshëm, pasi në momentin që ka ndodhur ngjarja ka qenë në punë.

Djali ynë është i pafajshëm, gjatë kohës që ka ndodhur ai ka qenë në punë. Ka dëshmitarë që atë natë ka qenë në punë, është i pafajshëm nëse e vërteton drejtësia ai të dënohet

Familjarët e Marjus Çalamenit