Fier, rritet ndotja e lumit Gjanica
banorët apel për marrjen e masave

FIER- Lumi Gjanica vijon të mbetet një shqetësim për qytetarët fierakë edhe kur nuk ka reshje. Rafineria e naftës në Ballsh dhe ajo në Fier në mënyrë arbitrare një pjesë të mbetjeve hidrokarbure i hedhin në lumin që përshkon metropolin jugor mes përmes.
 
Kjo përveçse sjell ndotje të lumit, shkakton edhe një erë të pakëndshme që është kthyer në një shqetësim për qytetarët fierakë.
 
Ata i bëjnë apel instancave të ruajtjes së mjedisit të marrin masa për këtë problem.
 
Situata problematike pranohet edhe nga kreu i Këshillit të Qarkut, Xhevit Bushaj, i cili shton se për këtë problem është vendosur në dijeni Drejtoria Rajonale e Mjedisit, e cila pritet të marrë masa.

Redaksia Online
(e.s/shqiptarja.com)