POP 5

Lajmet më të lexuara të 5 minutave të fundit

Kronikë

Fier, sekuestrohet ndërtesa Bar-Restorant-Hotel në Lushnje

Me vendim të gjykatës së Fierit, u sekuestruan pasuritë e një personi me dyshimin se janë vënë nga veprimtari kriminale.

Fier, sekuestrohet ndërtesa Bar-Restorant-Hotel në Lushnje

Fier- Me vendim të gjykatës së Fierit, u sekuestruan pasuritë e një personi me dyshimin se janë vënë nga veprimtari kriminale. Ndërtesa e sekuestruar është bar restorant dhe hotel me 3 kate dhe papafingo me sipërfaqe 363 m2 në Lushnje.  

Edhe pse janë vënë në emër të dy familjarëve, hetimet kanë zbuluar se nuk askush prej tyre nuk ka pasur të ardhura për krijimin e kësaj pasurie dhe se pronari i vërtetë është A.Gj, i vënë në hetim për pastrim parash

Njoftimi i prokurorise se Fierit

Prokuroria pranë Gjykatës së Shkallës së Parë Juridiksionit të Përgjithshëm Fier, kërkon sekuestrimin e pasurive të shtetasit A.Gj., për Veprën Penale ‘Pastrimi i produkteve të veprës penale ose veprimtarisë kriminale’ parashikuar nga neni 287 i Kodit Penal.

Kjo prokurori, bazuar në ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar, ka regjistruar procedimin pasuror nr. 2/2024, mbi bazën e materialeve të referimit pasuror nr.1, viti 2023, të ish-Prokurorisë pranë Gjykatës së Shkallës së Parë Lushnjë, lidhur me pasuritë në emër të shtetasit N.Gj, zotëruar në mënyrë tërthortë prej shtetasi A.Gj., për veprën penale “Pastrimi i produkteve të veprës penale ose veprimtarisë kriminale” parashikuar nga neni 287 i Kodit Penal, në ngarkim të shtetasit A.Gj, për të cilin kishte dyshime se ishte përfshirë në aktivitet kriminal.

Në funksion të procedimit penal, organi i akuzës ka kryer një verifikim të plotë të veprimeve ekonomike dhe juridike të personave të hetuar me qëllim evidentimin nëse këta persona kanë pasur burimeve të ligjshme për krijimin e pasurive. Pas kryerjes së verifikimeve dhe ekspertimit kontabël të tyre, ka rezultuar se ato apo familjarë të tyre nuk kanë burime të ligjshme për krijimin e pasurisë.

Për rrjedhojë, bazuar në ligjin nr. 10192, datë 03.12.2009 “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, i ndryshuar, është kërkuar marrja e masës parandaluese me karkater pasuror, e cila konsiston në sekuestrimin e pasurisë nr.1549/68 ND në Zonën Kadastrale nr.1492:

-“Ndërtesë Bar-Restorant-Hotel me 3 kate + papafingo” me sipërfaqe 363 m2

Kjo pasuri është regjistruar në ASHK Lushnjë, në emër të shtetasve N. Gj dhe N.Gj, dyshohet se zotërohet në mënyrë të tërthortë nga shtetasi A.Gj. Me vendim, Gjykata e Shkallës së Parë të Juridiksionit të Përgjithshëm Fier vendosi: Pranimin e kërkesës së Prokurorisë.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për vijimin e hetimeve të grupveprat që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça