Me pankarta në duar ata kërkojnë largimin e inspektorëve tatimorë : ”Kthejani naftën ARMO-s” “Boll me presione”, Uzina është e jona “ “Zhbllokoni llogaritë” shkruhet në pankartat që punëtorët mbajnë në duar.
Protesta si dje u zhvillua në sheshin përballë uzinës së Rafinerisë së Naftës. Ndërkohë që në mbështetje të agjentëve tatimorë ishin dhe Policia e Rendit, mes tyre nëndrejtori in policisë së Fierit, dhe shefi i komisariatit të Fierit, Nazer Plaka.
Protestuesit kanë tentuar t’u afrohen makinave të tatimorëve por nuk janë lejuar nga policia. Ata janë shprehur të irrituar nga vendimi i tatimorëve për mbylljen e rafinerisë, pasi sipas tyre ky vendim do të linte qindra familje pa të ardhura.
Punonjësit e rafinerisë së naftës në Ballsh kanë vënë në dukje edhe rrezikun e ndonjë shpërthimi të mundshëm si pasoje e ndalimit të punës në rafineri, duke përbërë rrezik serioz për jetën e punonjësve dhe banorëve përreth, si dhe ndotje masive ekologjike.
"Të iki Tatimorja këtu dhe të zhbllokohet uzina, të punojë, se ne jemi tërë këta punëtorë që punojmë për këtë uzinë. Do të vazhdojmë të protestojmë deri sa të zhbllokohet ky proces”, u shpreh një punëtor.
“Këta punonjës të tatimeve në qoftë se kanë marrë urdhër të shtypin njerëzit, ta dimë dhe ne. Nuk duam asgjë, duam vetëm të punojmë dhe të jemi të qetë me hallet tona familjare”, tha një tjetër protestues.
DREJTORI MYFTARAJ: RREZIKOHET GERDEC I DYTE
Sekuestrimi nga ana e tatimorëve është quajtur i paligjshëm nga ana e drejtuesve të kompanisë. Drejtori Bledar Myftaraj tha dje se se prej një jave ushtrohet dhunë psikologjike ndaj punonjësve të “Armo”-s, dhe veprimet e grupit të hetimit tatimor ai i ka quajtur të paligjshme , pasi nuk ekziston sipas tij asnjë shkresë zyrtare apo njoftim për këtë bllokim të veprimtarisë prodhuese të uzinës.
Ai vuri në dukje rrezikun e shpërthimit si pasoje e ndalimit të punës në rafineri.
"Mbyllja e saj për 72 orë, - theksoi Myftaraj, - sjell pasoja katastrofike për qytetin, sepse parashikon një Gërdec të dytë për nga procesi tekonologjiko-kimik. Pjesë të strukturave shtetërore kanë mbi 8 ditë që bëjnë presion përmes Tatimeve për të na penguar në punë. Ato nuk kanë urdhër bllokimi. Në këto kushte, bllokimi i punës rrezikon jetën e njerëzve, punonjësve dhe ndotje ekologjike. Punonjësit e Rafinerisë janë të irrituar, sepse ky është një veprim i paprecedentë, që kërkon përmes gjobave, aksionet e kompanisë,"- nënvizoi dje drejtori.
![ballsh protesta](http://www.shqiptarja.com/foto/84418.jpg)
(Foto: Protesta e punëtorëve ARMO paraditen e sotme)
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)