Ekzekutohet në krah të bashkëshortes 50-vjeçari në Fier! Autori i maskuar (VIDEO)

FIER - Një ngjarje e rëndë ka tronditur qytetin e Fierit mëngjesin e sotëm. Një 50-vjeçar është ekzekutuar në orët e para të mëngjesit.

Ngjarja e regjistrua rreth orës 06:00 në lagjen "Sheq i Madh" në Fier. Burime për Report Tv bëjnë me dije se 50-vjeçari, Ahmet Toska po shoqëronte bashkëshorten për në punë.

Mësohet se autori ka qenë i maskuar dhe e ka ekzekutuar me një plumb në kokë. Kjo e bën të vështirë për policinë që të hetojë.

Ndërkohë banorë të zonës shprehen se Toska nuk njihej si njeri problematik. Ata thonë se ai punonte në një pikë karburanti ndërkohë që bashkëshortja e tij në një furrë buke.

Nuk dihen ende rrethanat apo shkaqet e ngjarjes teksa policia ndodhet në vendgjarje për të bërë zbardhjen e plotë të saj.

Ndërkohë policia e Fierit dhe FNSh kanë ngritur pika kontrolli në të gjithë zonën për identifikimin e autorit.

"Sot rreth orës 06:00, në lagjen "Sheq i Madh" Fier, nga një person ende i paidentifikuar, është vrarë në rrugë me armë zjarri shtetasi A. T., 50 vjeç banues në lagjen "Sheq i Madh", Fier" - njofton policia.

Rendit zhvillimet sipas orarit:
Ora 10:50
Fier/ Ky është 50-vjeçari i cili u ekzekutua mëngjesin e sotëm në sy të bashkëshortes

Ky është Ahmet Toska, 50-vjeçari i ekzekutuar mëngjesin e sotëm në Fier. Sipas burimeve për Report Tv, ai punonte në një pikë karburanti. Gjithashtu bëhet me dije se ai ishte dhe peshkatar. Në momentin e ekzekutimit ai ishte me bashkëshorten e tij vetëm pak metra larg shtëpisë.

Ora 09:56
Ekzekutimi i 50-vjeçarit në Fier/ Policia sekuestron kamerat e një lokali! Autori i maskuar ka ecur në këmbë

Detaje të reja vijnë nga ekzekutimi i 50-vjeçarit Ahmet Toska në Fier. Burime për Report Tv bëjnë me dije se policia ka sekuestruar kamerat e sigurisë të një lokali i cili ishte rreth 100 metra larg vendit të ngjarjes.

Në regjistrime është parë autori i maskuar i cili ka ecur në këmbë drejt vendit ku është ekzekutuar 50-vjeçari.

Policia ka shoqëruar disa banorë të zonës për t'i pyetur.

Ora 08:16
Vrasja në Fier, banorja: Ishte njeri i mirë, e shoqja punonte në një furrë buke (VIDEO)

Një banore në pranë lagjes ku u ekzekutua 50-vjeçari, shprehet se ai nuk ishte njeri problematik. Ajo thotë se bashkëshortja e tij punonte në një furrë buke.

"Në mëngjes më tha djali që u dëgjuan të shtëna me armë zjarri. Ahmeti njeri i mirë ishte. Nuk e di shumë mirë se ku punonte. Gruaja punonte tek një furrë buke" - thotë një banore.

E.M./r.k./Shqiptarja.com
  • Sondazhi i ditës:

    Mësimi në Universitete do vazhdoje online, ju duket i drejtë vendimi i Komitetit të Ekspertëve?

Komento

Komente

  • sheqi vogel: 26/10/2020 16:06

    nuk i futen nai plumb koke ati ahmetit tjetr na sheqi se ate po presim po llafet e tjera jan fukarallek

    Përgjigju
    • Emanuel Bregaj: 26/10/2020 17:07

      Ahmet isufaj e ke fjalen??

  • O Landi...: 26/10/2020 14:08

    Problemi i maskave eshte ne rruge per zgjidhja, Doc. Prof. Piperua e ka gjetur zgjidhjen, bile edhe afat gjate. Flitet se ai e din se çdo te ndodhe edhe pas viteve 2030. Karantina mund te zgjase deri ne fillim te vitit te ri 2021, po nuk eshte problem, se qeveria i ka marre masat dhe asnje nuk rrezikohet, perndryshe do te hapen salla kinemaje 3D dhe 4D, ku njerezit do te mund te argetohen me se miri, bile thuhet se do te pine edhe deri ne nje liter wiski me akull (ky eshte kufiri). I vetmi problem eshte se çdo te behet me kanarinen e Remziut qe do te rrije vetem e shkreta (per ca kohe), por me siguri edhe per kete do ta kete nje zgjidhje Piperua ine.

    Përgjigju
  • Tuku: 26/10/2020 08:47

    Se mora vesh ca lidhje ka komenti,ngjarjen.. futja Pordhes.

    Përgjigju
  • Ledio: 26/10/2020 08:02

    Me shifra kaq te larta i bie te jete gjysma e shqiptareve te infektuar,,, gje qe nuk mund ta besoj,,,,,gjithsesi,,,,,ne nuk mund te perballojme masa,, ,ne kushte normale ne nxjerrim me mund buken,,,,ne kushte karantine ne do te vdesim urie,,,,,nese dikush mendon per masa duhet te gjeje zgjidhjen ekonomike,,,,,

    Përgjigju
    • Alb: 26/10/2020 15:59

      O ledio pi ndonje qetsues per koken edhe lere virusin dhe situaten ne pun te vet se fundja nje cap buk do e hash nuk vdes per buk mjafton te mos paguash me per internet.

    • Berat: 26/10/2020 13:31

      I lediooooo te hengshin qent e lagjes

    • Fier: 26/10/2020 13:22

      I shkreti ledio qenka vertet ne hall te madh nga trut ..eh i ziu ti ishallah nuk je i ri ..

    • Ditmiri: 26/10/2020 12:01

      Nga nderzimi artificial...tek lufta ne Vietnam

    • Taip lala: 26/10/2020 09:56

      Mos pi mall tperzim lal se shif pasojat

    • Bkd: 26/10/2020 09:02

      O ledio eshte vrare njeri ketu nuk po flitet per masa



×

Lajmi i fundit

John

COVID-19/ 795 raste të reja dhe 17 viktima në 24 orët e fundit