FIER - Një zjarr i përmasave të mëdha është aktivizuar mesditën e sotme në kodrat e fshatit Frakull e Vogël në Fier dhe ka përshkuar mbi 30 Ha kullota dhe pemtari.
I favorizuar nga era e fortë zjarri është përhapur në disa vatra duke përfshirë edhe ullishte. Edhe pse janë në terren, zjarrfikësit nuk mund të bëjnë dot ndërhyrje pasi terreni është malor dhe nuk ka rrugë.
Banorët kërkojnë ndërhyrje nga ajri pasi situata eshte tepër e vështirë dhe zjarri mund ti afrohet banesave.
![](https://shqiptarja.com/template/img/NO_ALFA_Kuadrate shqiptarja.png)
Aktualisht po operojnë 7 mjete zjarrfikëse, 32 personel zjarrfikës, 9 punonjës policie dhe 20 forca vullnetare. Terreni është mjafti vështirë, ndërsa kreu i emergjencave civile në qarkun e Fierit, Kreshnik Ymeraj thekson se mjetet zjarrfikëse e kanë të pamundur të operojnë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)