POP 5

Lajmet më të lexuara të 5 minutave të fundit

Sociale

Ura mbi lumin Gjanica në Fier, kthehet në vendin e të dashuruarve, çiftet kyçin ‘betimet e përjetshme’

Të dashuruarit, flasin gjuhën e tyre por në Fier prej disa vitesh çiftet kanë filluar të ndjekin një traditë të re të veçantë, atë të ritit të kyçjes së “drynit të dashurisë” në Urën me harqe të qytetit

Ura me harqe e ndërtuar mbi lumin “Gjanica” në qytetin e Fier është shndërruar prej vitesh në vendin e të dashuruarve. Për një dashuri të përjetshme, çifte në Fier apo të ardhur nga qytete të tjera vendosin në mënyrë simbolike “drynat e dashurisë” në këtë urë.

Nuk dihet me saktësi se kur ka filluar tradita e këtij riti, por kushdo që kalon në këtë urë në të dy anët e parmakëve i tërhiqet vëmendja nga dhjetëra dryna të vendosura te kabujt e çeliktë që ndodhen parmakëve metalike të urës.

 ‘Kjo më përpara nuk ka ndodhur. Është bërë nëpër Botë, në vendet e tjera megjithatë tani ka filluar që dy të dashuruarit kyçin betimin në një kyç dhe e hedhin në lumë. Kjo ka nënkuptimin që dashuria është e përjetshme“, shprehet një qytetare.

‘Këtë kyç e kam vënë për të patur lumturi gjithmonë dhe lumturia që të vazhdojë duhet të hidhet në lumë’, thotë një zonjë.

“Dikush e ka vënë për të shprehur dashurinë dhe kjo simbolizon që në të ardhme kjo lidhje do të jetë shumë e fortë”, shprehet një qytetar.

Ura me harqe mbi lumin Gjanica në Fier, është ndërtuar në 2018. Ashtu si në Fier, riti i mbylljes së ‘drynit të dëshirave’ në urat kryesore të qyteteve, ku çelësi hidhet larg në lumë është një traditë që prej vitesh po përhapet në të gjithë Botën duke simbolizuar lumturinë dhe dashurinë e pathyeshme.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 25/04/2023 01:45

    Ato kabllo jane pjese e konstruksionit te ures,nuk jane per zbukurim,po u shtuan shume ato kyce mund te shkaktojne keputjen e kabllove dhe uren vete si rrjedhim.Mund te duket si e pabesueshme,por nuk eshte,pasi behet fjale per peshe.Policia bashkiake duhet t'i heqe, t'a ndaloje kete zakon,ose t'ju caktoje nje vend tjeter ku t'i vene,por jo te kabllot lidhese qe mbajne uren.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46