Marine Le Pen ka shpallur sot kandidaturën e saj për presidencë, ndërsa Tubimi Kombëtar i ekstremit të djathtë të Francës mbajti kongresin në Orleans, në jug të Parisit.

Gjatë fjalimit të saj Le Pen foli për atë që e quajti rilindjen e Francës, si dhe fillimin e një epoke të re për vendin.

Partia e ekstremit të djathtë ka akuzuar qeverinë se nuk ka mbrojtur publikun dhe u ka kërkuar njerëzve të kanalizojnë zemërimin e tyre në vota për kandidaten e saj, Marine Le Pen.

Le Pen, e parë si favoritja në zgjedhjet e vitit të ardhshëm, është përpjekur ta shndërrojë zemërimin për trazirat në mbështetje të kandidaturës së saj presidenciale, duke e paraqitur veten si alternativë ndaj një qeverie që ajo e ka përshkruar si të pafuqishme.

Më herët këtë vit, një gjykatë apeli në Paris i ka hapur rrugën Le Pen për të kandiduar duke hequr një ndalim për të synuar poste publike që kishte kërcënuar ambiciet e saj presidenciale.