Fillojnë punimet e rehabilitimit të segmentit Qafë Kashar-Rinas, ja rrugët ku duhet të kaloni në 10 ditët e ardhshme

Kanë filluar sot punimet e rehabilitimit në Qafë Kashar-Rinas, që pritet të zgjasin 7 deri në 10 ditë. Autoriteti Rrugor Shqiptar bën me dije se do të ndryshohet asfalti në të gjithë gjatësinë e rrugës dhe po ashtu do të rifreskohet sinjalistika rrugore.

Për ditët në vijim, punimet do të kryhen në drejtimin Qafë Kashar- Universiteti Epoka, ku do të punohet në të dyja korsitë dhe për pasojë mjetet që lëvizin në drejtimin Qafë Kashar-Rinas në drejtim të aeroportit do të devijohen në autostradë në drejtimin Qafë Kashar–Vorë-Rinas. Mjetet do të udhëzohen të përdorin edhe kalime të tjera në rrugën dytësore. Segmenti i autostradës Qafë Kashar–Vorë dhe Vorë–dalje Fushë Krujë–Kryqëzim Rinas–Rinas (Aeroport)–Universiteti Epoka dhe anasjelltas do të jetë i aksesueshëm.

Punimet për rehabilitimin e të gjithë segmentit rrugor Kryqëzim Rinas (aeroport)-Qafë Kashar (kthesa Rinas) do të zgjasin 30 ditë, afat që mund të zgjatet në varësi të kushteve atmosferike, ndërsa do të zhvillohet në 3 faza.

Punimet për fazën e parë kanë nisur sot, teksa më pas do të kryhen në segmentin nga Universiteti Epoka–Rinas dhe faza e tretë Rinas aeroport -kryqëzim Rinas.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po dështon zgjedhja e Presidentit me konsensus?



×

Lajmi i fundit

John

Birësimi nga çiftet homoseksuale, Komisioneri për Diskriminimin për Report Tv: Nuk mund të shkohet direkt aty, jam pro bashkëjetesës