Pas ndeshjeve të para të fazës 'Final 4' në Superligën e futbollit, vëmendja tashmë është zhvendosur te përballjet e dyta këtë fundjavë, ku Vllaznia do të sfidojë Egnatian, ndërsa AF Elbasani do të përballet me Dinamon në duele që pritet të vendosin shumë për fatin e garës drejt titullit kampion.

Bilanci i përballjeve direkte gjatë këtij sezoni premton rivalitet maksimal. Vllaznia dhe Egnatia janë përballur katër herë, me dy ndeshje të mbyllura në barazim, 0-0 dhe 2-2, ndërsa dy fitoret e tjera kanë shkuar për shkodranët, të cilët triumfuan 2-0 dhe 1-0 në stadiumin “Loro Boriçi”.

Përballjet direkte Vllaznia - Egnatia 2025/26

Vllaznia 2-0 Egnatia

Egnatia 2-2 Vllaznia

Vllaznia 1-0 Egnatia

Egnatia 0-0 Vllaznia

Edhe sfida tjetër mes Dinamos dhe AF Elbasanit pritet të jetë po aq e luftuar. Në katër përballjet sezonale mes tyre janë regjistruar një barazim 1-1, një fitore bindëse 4-1 e Dinamos në “Air Albania”, si dhe dy fitore të Elbasanit në “Elbasan Arena”, me rezultatet 2-0 dhe 1-0.

Përballjet direkte AF Elbasani - Dinamo 2025/26

AF Elbasani 1-0 Dinamo

Dinamo 1-1 AF Elbasani

AF Elbasani 2-0 Dinamo

Dinamo 4-1 AF Elbasani

Me rezultatet e ndeshjeve të para që e kanë bërë edhe më të fortë e interesante garën, përballjet e dyta të fazës 'Final 4' mes Vllaznisë dhe Egnatias, si dhe AF Elbasanit e Dinamos, pritet të prodhojnë të tjera mbrëmje emocionesh në betejën për fituesin e këtij edicioni.

Superliga, kalendari i fazës 'Final 4':

Java 1

Vllaznia 0-2 Dinamo, 16.05.2026 19:00

AF Elbasani 0-4 Egnatia, 17.05.2026 19:00

Java 2

Vllaznia vs Egnatia, 23.05.2026 19:00

AF Elbasani vs Dinamo, 24.05.2026 19:00

Java 3

Egnatia vs Dinamo, 29.05.2026 19:00

Vllaznia vs AF Elbasani, 31.05.2026 19:00

*Të gjitha ndeshjet e 'Final 4' do të luhen në stadiumin 'Air Albania' në Tiranë.

Renditja e 'Final 4':