Kompania franceze Voltalia ka fituar garën për të ndërtuar parkun fotovoltaik të Spitallës, me ofertën 29.89 euro për megavat.
Ajo ishte në garë me kompaninë kineze, "Universe Energy", e cila ofroi çmimin 46 euro për megavat.
Ishin pesë kompani që kishin treguar interes për parkun fotovoltaik të Spitallës dhe paraqitën ofertat e tyre, por në finale të garës arritën vetëm “Voltalia” dhe “Universe Energy”.
Në fjalën e saj pas shpalljes së kompanisë fituese, Ministrja e Infrastrukturës dhe Energjisë, Belinda Balluku e konsideroi “suprizues” çmimi e ofruar nga “Voltalia”, duke thënë se shënoi një tjetër rekord dhe se askush nuk priste në fakt një çmin kaq të ultë. “Dua të përgëzoj “Voltalia” për çmimin surprizues, duke qenë se ky park ishte më i vogël nga parku i parë, prisnim çmim më të lartë të gjithë bashkë, kështu që kemi shënuar një çmim tjetër rekord, pra 70 megavat që do të blihen me 29.89 euro për 15 vitet e ardhshme ashtu siç e ka parashikuar edhe ligji. Diversifikimi i burimeve të rinovueshme, me një vend që prodhon 99% energji të rinovueshme, është hapi më i rëndësishëm”, tha ministrja.
Gara ndërkombëtare për parkun e dytë fotovoltaik më të madh në vend është hapur më 19 nëntor 2020. Parku i Spitallës do të ndërtohet në periferi të Durrësit me një sipërfaqe 120.8 hektar.
Interes për të marrë pjesë në garë patën shfaqur 20 kompani të huaja dhe konsorciume, por në përfundim të ankandit ndërkombëtare janë administruar 5 oferta mes tyre edhe kompania Volitalia, që po ndërton parkun me energji diellore të Karavastasë.
Morën pjesë 2 kompani shqiptare në konsorcium me një kompani Indiane, kemi një kompani kineze, Volitalia, dhe 2 kompani gjermane.
Ky park me energji diellore do të prodhojë 100 megavat ku 70 megavat do të blihet nga shteti dhe 30 megavat mund të shiten në treg të lirë nga privati, dhe do të jetë i dyti në vend pas atij të Karavastasë që ka një fuqi prodhimi prej 140 megavatesh.
Fituesja e parkut fotovoltaik të Spitallës është kompania franceze Voltalia e cila ka bërë ofertën 29.89 euro për megavat.
Ndërkohë që kompania tjetër, kinezja Universe Energy ofroi 46 euro për megavat.
Ministrja Ministria e Infrastrukturës dhe Energjisë, Belinda Balluku tha se ishin 5 kompani të mëdha që dhanë ofertat e tyre për ndërtimin e parkut fotovoltaik të Spitallës.
Në deklaratën e saj, Balluku u shpreh se janë dy kompani që kaluan fazat e kualifikimit, një franceze dhe një kineze, që kanë përmbushur kushtet.
Mes tyre do të përzgjidhet kompania e cila ka ofruar çmimin më të ulët.
“Me hapjen e këtij ankandi, kemi ecur me mbështetjen shumë të vyer të BERZH, për të sjellë një rezultat sa më transparent. Pasi është mbyll afati I dorëzimit të ofertave në 1 shkurt, ne kemi pasur mundësi të shohim ofertat nga 5 kompani të mëdha me eksperiencë në botë. Së shpejti do të nisim ankandet hibride që do bazohen në parqet diellore dhe parqet e erës. Në këto ankande shteti nuk angazhohen për të vënë në dispozicion tokën, por janë investitorët që e sjellin paketën, dhe në një garë të pastër shpallim fituesin.
70% e energjisë do të blihet nga OSSH, me një çmim të favorshëm dhe 30 megavat do të jetë në treg të lirë, duke përdorur bursën e ngritur.
5 garuesit kanë kaluar filtrat e grupit të punës për të pasur të gjitha kushtet teknike. Kemi dy kompani Voltalia franceze, dhe kompania kineze që ka treguar interes do ketë të drejtën të garojë një park fotovoltaik në vend pasi kanë përmbushur kushtet”, tha ministrja.
Komente
Lajme të tjera
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
1.5 milionë euro import në ditë, Kosova në krizë për energji ende pa hyrë në dimër
14 Nëntor, 19:00 -
PD akuza ndaj qeverisë: Keni çuar në kolaps sektorin energjetik
13 Nëntor, 16:34 -
Fatos Çoçoli: Sa fitojmë nga ulja e çmimit të energjisë?
8 Nëntor, 09:03
-
Qeveria: Në 1 janar 2025 do të ulim çmimin e energjisë elektrike për qytetarët
5 Nëntor, 14:33 -
Çfarë do të thotë hapja e kufirit energjetik mes Kosovës dhe Serbisë?
4 Nëntor, 17:42 -
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44 -
Durrës/ 5 vite pas tërmetit, rreth 500 familje marrin çelësat e shtëpive të reja në Spitallë! Apartamentet ndahen përmes shorteut
30 Gusht, 14:31
-
DOKUMENTI/ Central energjie 120 milionë euro për ruajtjen e rezervave! 25 projekte për energjinë me vlerë 3.1 miliardë €
22 Gusht, 20:52
-
Bie prodhimi, KESH blen 9.8 mln euro energji elektrike
24 Qershor, 17:20 -
Skemat lehtësuese të OSHE për klientët debitorë: Brenda prillit u mbyllën 677 aktmarrëveshje! Ja përfitimi sipas kategorive
20 Prill, 16:59 -
Nga 1 maji rritet çmimi i energjisë për furrat e bukës që janë pastiçeri dhe bar-kafe, ERE miraton fashat e reja
15 Prill, 14:36
Pse te mos i ndertojme vete keto parqet,,...
PërgjigjuPrandaj e thirri Macroni antipatik Ramën ??! Po kompanitë gjermane, janë serioze!
Përgjigju