Finalja/ Mbretëresha e Anglisë dhe kryeministri letër mbështetje për kombëtaren! Italinë e kujton skuadra kampione e 82', fitoi Botërorin më 11 korrik

Kur bëhet fjalë për finalen e një kompeticioni si Europiani, motivimi është një aspekt që nuk ha diskutim, pasi në këtë rast kombëtaren janë të karikuara mbi 100%. Edhe rasti i finales Angli-Itali që luhet sonte nuk është ndryshe, por përtej kësaj disa letra tejet të veçanta kanë ardhur nga figura të shquara të këtyre vendeve.

E para është mbretëresha Elizabeth e II që i ka drejtuar një letër trajnerit të Anglisë Garreth Southgate, në të cilën shkruhet: “Pesëdhjetë e pesë vjet më parë isha me fat që i dhashë Kupën e Botës, Bobby Moore, dhe pashë se çfarë do të thoshte për lojtarët, drejtuesit dhe stafin për të arritur dhe fituar finalen e një turneu të rëndësishëm ndërkombëtar të futbollit.

Unë dua t’u dërgoni urimet e mia dhe të familjes sime, të gjithëve për arritjen në finale të Kampionatit Evropian dhe ju uroj që historia të regjistrojë jo vetëm suksesin tuaj, por edhe shpirtin, angazhimin dhe krenarinë me të cilën ju karakterizon.”

Një letër në mbështetje të ‘Tre Luanëve’ ka dërguar edhe kryeministri i Anglisë Boris Johnson, në të cilën fillimisht shpreh besimin për kombëtaren, ndërsa më pas thotë se ‘është koha që trofeu të vijë në shtëpi’.

Pa një letër motivuese nuk ka mbetur as Italia e Roberto Mancinit, që është përshëndetur nga skuadra fituese e Botërorit të 1982. Për koicidencë edhe ai Botëror është fituar më 11 korrik, ndërsa në letër janë falenderimet për emocionet që asaj plajade lojtarësh i janë rikthyer, kurse ndër të tjera veçohet fjala ‘guxim’.

Ndërkohë edhe presidenti Ceferin ka shkruar një letër, duke veçauar të mirat që ky kampionat Europian ka sjellë. Numri 1 i qeverisë europiane të futbollit veçon rekordet që janë kthyer, gëzimin që ka sjellë te tifozët, ndërsa shpreson që finalja që luhet sonte të hyjë përgjithmonë në historinë e futbollit.

Ne.k./KT/Shqiptarja.com

TAG:
• itali
• anglia
• Boris Johnson
• euro 2020
• elizabeth II