Showmanm Fiorello ka hyrë në një pikë të shitjes së gazetave ku takon balerinin e mirënjohur shqiptar Kledi Kadiu. Dhe mes tyre shkëmbehen jo pak batuta lidhur me diplomimin e “Troftës” në universitetin shqiptar “Kristal”.
Fiorello i kujton Kledit se si ai udhëtoi me gomone drejt Italisë përpara se të bëhej I fashmën në fushën e spektaklit në vendin fqinjë.
“Po ky fakt është aktual edhe sot”, i përgjigjet Kledi Kadiu me jo pak shpoti.
“Sikur ta dije se sa “njerëz” marrin sot gomone për udhëtimin anasjelltas, Itali – Shqipëri. Por, për tu diplomuar në Shqipëri…”, i përgjigjet Kadiu.
Dhe kur Kledi pohon se leksionet në universitet mbahen në gjuhën shqipe, Fiorello replikon: “ Mendo që tani ka italianë, të cilët pa njohur gjuhën shqipe arrijnë të marrin diplomën në Shipëri. Madje, e arrijnë këtë akoma pa marrë diplomën e shkollës së mesme.”
(aq/shqiptarja.com)
![](https://www.shqiptarja.com/template/img/sh_logo1.png)