POP 5

Lajmet më të lexuara të 5 minutave të fundit

Sociale

Shqipëria në panairin e turizmit në Madrid, Rama: Qendër vizitorësh nga e gjithë bota

Shqipëria po vizitohet çdo vit e më shumë nga turistë nga vendet e Evropës, por edhe nga vendet e Amerikës Latine. Interesi i vizitorëve nga këto vende ka qenë i lartë edhe gjatë Panairit Ndërkombëtar të Turizmit në Madrid, ku stenda e Shqipërisë po përfaqësohet denjësisht

Shqipëria po vizitohet çdo vit e më shumë nga turistë nga vendet e Evropës, por edhe nga vendet e Amerikës Latine.

Interesi i vizitorëve nga këto vende ka qenë i lartë edhe gjatë Panairit Ndërkombëtar të Turizmit në Madrid, ku stenda e Shqipërisë po përfaqësohet denjësisht.

Kryeministri Edi Rama ndau sot në rrjetet sociale pamje nga ky panair, ku stenda e Shqipërisë plot aktivitete është kthyer në një qendër vizitorësh.

“Shkëlqen prezantimi i Shqipërisë në Panairin Ndërkombëtar të Turizmit në Madrid, ku ‘shtëpiza’ jonë plot aktivitete dhe shije është kthyer në një qendër vizitorësh nga e gjithë bota dhe kryesisht nga ata të Amerikës Latine, të cilët vit pas viti janë gjithmonë e më të shumtë të tërhequr nga përvojat frymëzuese të Shqipërisë”, u shpreh Rama.

Gjatë vitit 2024 Shqipëria u vizitua nga 110 mijë turistë spanjollë ose 26% më shumë se viti 2023, 17 mijë turistë nga Brazili ose 50 % më shumë se një vit më parë, 5800 turistë nga Argjentina, 5 mijë nga Meksika, 2700 nga Kili dhe 2100 nga Peruja.

Stenda e Shqipërisë gjatë pesë ditëve të panairit “Fitur 2025” do të kthehet në një qendër aktivitetesh, pjesë e axhendës së organizuar nga Ministria e Turizmit dhe Mjedisit, e konceptuar si një miks përvojash që prezantojnë Shqipërinë si destinacionin më emocionues në Europë.

Nga përjetimet përmes eksplorimit virtual të vendit, tek “Albanian Nights” të frymëzuara nga trashëgimia e pasur e traditave të kulturës dhe jetës së komuniteteve, deri tek përvojat e degustimit të ofruara nga Shoqata Shqiptare e Agroturizmit, këto janë disa prej atraksioneve me të cilat Shqipëria prezantohet para vizitorëve të panairit.

K.M/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tani: 23/01/2025 18:36

    turizmi do kushte,,uje,,drita,,,rruge,,pasterti,,,hotele te bukura me distance nga njeri tjetri....jo pallate...jo hajdute qe vjedhin dhe fondet e invalideve...

    Përgjigju
  • Sondazhi i ditës: 20 Mars, 10:18

    Nisin kualifikueset e Botërorit, si del Angli-Shqipëri?

Lajme të tjera



×

Lajmi i fundit

Lëvizte me automjet për të shitur një armë zjarri, arrestohet 20-vjeçari në Shkodër (VIDEO)

Lëvizte me automjet për të shitur një armë zjarri, arrestohet 20-vjeçari në Shkodër (VIDEO)

21 Mars, 09:08