Vijojnë të jenë aktive vatrat e zjarrit në pyllin e Semanit dhe atë të Rubikut prej disa ditësh. Edhe pse është kërkuar ndërhyrje nga ajri për shkak të terrenit të vështirë, kjo gjë ende nuk ka ndodhur, ndërsa zjarrfikësit po punojnë me mjete rrethanore.
Kurora e gjelbër e Semanit vijon të digjet duke shkrumbuar dhjetëra hektarë. Në shuarjen e flakëve janë angazhuar të gjithë strukturat e Bashkisë Fier, ndërsa vatrat e zjarrit janë lokalizuar me anë të dronit.
Në ndihmë të forcave zjarrfikëse u kanë ardhur dhe forcat ushtarake, pasi terreni i vështirë dhe era favorizojnë zjarrin duke shkaktuar vështirësi në ndërhyrje në shuarjen e flakëve.
Deri tani flakët kanë përpirë 20 hektarë pyje e shkurre, ndërsa vijon puna për vënien e nën kontroll të zjarri dhe shuarjen e tij.
Zjarri vijon edhe në pyjet e fshatit Katund i Vjetër në Rubik, edhe pse intensiteti ka rënë. Në këtë zonë për shkak të terrenit të vështirë është kërkuar ndërhyrje nga ajri, por ende nuk ka asnjë reagim nga shteti.
Shuarja e flakëve nga zjarrfikësit po bëhet me mjete rrethanore, ndërsa kërkohet ndihmë nga ushtria dhe emergjencat civile.
Report Tv siguron pamje me dron të sipërfaqeve të djegura nga zjarri në Godull të Semanit. Pamjet nga lart tregojnë sipërfaqe të mbjella me pisha të vogla dhe shkurre. Forca të ushtrisë dhe punonjës të bashkisë për shkak edhe të terrenit të vështirë po punojnë me mjete rrethanore për të shuar flakët. Atje ndodhet edhe Cako, drejtori i emergjencave civile.
Një faqe kodre me ullinj është përfshirë nga zjarri në Hekal të Mallakastrës. Përveç ullinjve zjarri ka marrë përpara edhe vreshta e shkurre. Në vendin e ngjarjes ndodhet një zjarrfikëse, por terreni i vështirë dhe era e forte ka favorizuar zjarrin. Ende nuk është përcaktuar shkaku i rënies së tij dhe po punohet për shuarjen e flakëve.
Vatrat e zjarrit janë kthyer në një problem të madh këtë verë në qytetin e Kukësit. Gafurr Rexha, drejtor i shërbimit zjarrfikës pranë bashkisë Kukës thotë se situata e zjarreve gjatë muajit korrik nuk ka qenë normale krahasuar me të njëjtën periudhë të viteve të kaluara. Sipas tij në korrik ka pasur një intensitet të rënies së zjarreve në zonat pyjore dhe shërbimit zjarrfikës i është dashur që të ndërhyje në 46 raste. Rexha thekson se 90% e këtyre rasteve sipas ekspertizës piroteknike ka qenë e qëllimshme ndërkohë që 7 raste bashkia Kukës i ka referuar pranë prokurorisë. Edhe muaji gusht ka nisur me 4 raste të rënies së zjarreve në territorin e bashkisë Kukës. Kukës. Shqetësuese është se zjarret po përfshijnë edhe kurorën e gjelbër të qytetit ndërkohë që deri tani asnjë person nuk është ne ndjekje penale.
Zjarri në Lezhë
Në dy vatrat e zjarrit të rënë në Lezhë në malin e Kakarriqit dhe në malin e Renxit kanë mbërritur forcat ushtarake për të ndihmuar në vënien në kontroll të flakëve.
Janë 25 ushtarë se të cilët së bashku me punonjësit e bashkisë po punojnë për shuarjen e flakëve me mjete rrethanore për shkak të terrenit të vështirë për të ndërhyrë zjarrfikësja.
Kjo u konfirmua edhe nga kreu i Bashkisë Lezhë, Pjerin Ndreu i cili tha se në malin e Kakarriqit aktualisht po punojnë 14 grupe pune dhe 10 ushtarë që po vënë në kontroll flakët.
Ndërsa në zjarrin që po i afrohet Ranës së Hedhun kanë mbërritur 10 ushtarë dhe 2 grupe pune të pyjeve, zjarrfikëset dhe emergjencat civile për shuarjen e flakëve.
Zjarri i rënë prej disa ditësh tek mali i Renxit vijon të jetë një vatër aktive e fuqishme. Ajo është duke iu afruar zonës turistike Rana e Hedhun në Shëngjin.
Zjarri ka një intensitet të lartë dhe favorizohet nga era, ndërsa ndërhyrja për shuarjen e tyre është thuajse e pamundur për shkak të terrenit të vështirë.
Në zonën e pyllin të Semanit vijojnë flakët prej 5 ditësh në vendin e quajtur Godull.
Janë angazhuar të gjitha forcat zjarrfikëse për shuarjen e flakëve nga Fieri, Patosi dhe Roskoveci. Ndërkohë që prej mbrëmjes së djeshme kanë mbërritur edhe forcat e ushtrisë. Flakët vijojnë ende për shkak të favorizimit nga era dhe temperaturat e larta.
Dëmi përllogaritet deri në 20 ha sipërfaqe shkurre, ferra dhe pisha të vogla.
Një sipërfaqe e madhe prej më shumë se 5 hektarë e pyllëzuar me pemë të ndryshme dhe shkurre është përfshirë nga flakët në fshatin Kullasë të Fushëkrujës.
Zjarri është ndihmuar nga era duke përfshirë sipërfaqe të mëdha toke. Për shkak të përhapjes së zjarrit përveç zjarrfikëses së Krujës është dashur ndërhyrja e një zjarrfikëseje private, e cila operon në zonën e Niklës.
Mësohet se flakët e zjarrit po i afrohen varrezave të fshatit. Sipas zjarrfikësve zjarri është i qëllimshëm. Jo shumë larg zjarrit janë disa banesa, të cilat rrezikohen nëse flakët nuk do të lokalizohen. Kjo është edhe arsyeja pse u kërkuar ndihma e zjarrfikëses private.
Pas dy ditësh lufte me flakët, zjarrfikësit e Gramshit kanë mundur të shuajnë zjarrin në pyllin e malit të Koshnicës, njësia Skëndërbegas.
Ajo që la pas zjarri është një pamje e dhimbshme, pyjet të djegura, pemë të shkrumbuara duke krijuar një pamje të trishtë, kur nuk shikon më kurorën e gjelbër të pyjeve.
Flakët përpinë me dhjetëra hektarë pyje, pisha, pemë shekullore dhe shumë gjallesa e kafshë që pyllin e gjelbra e të gjallëruar nga jeta, e kishin shtëpinë e tyre. Sot kjo ka mbetur vetëm në fantazinë tonë, pasi pamja e mbetur është e shkretë, pa jetë.
Në këtë zonë është hera e dytë që bie zjarr dhe ka qenë i qëllimshëm. Autoritet i bëjnë thirrje njerëzve të tregohen të përgjegjshëm, pasi një gjest i vogël i pamenduar, kushton me dhjetra e qindra hektarë të djegur pyje. Në skenarin më të keq, rrezikon banesat dhe shtëpitë e banorëve.
Terreni malor, distanca e madhe, era e fort favorizuan zjarrin e rënë, por në fund gjithçka mbaroi.
Komente
Lajme të tjera
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Moti i keq në Fier/ Disa fshatra pa energji elektrike
22 Nëntor, 18:51 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Aksident në aksin Petovë-Libofshë/ Makina përplaset me motorin, 1 në gjendje të rëndë! Dërgohet drejt Traumës
20 Nëntor, 18:23 -
Fier/ Vrasja me thikë e 20-vjeçarit nxënës te ‘Petro Sota’, familjarët kërkojnë hetime më të thelluara: Gjykata të kthejë dosjen në prokurori
20 Nëntor, 17:49
-
VIDEOLAJM/ ‘Dielli i Zi’ në Roskovec, spektakli magjepsës i zogjve shtegtarë
20 Nëntor, 15:05
Zonja Xhacka Shqiperia ne terrenin e veshtire malor ,ne shumicen e rasteve ,kerkon nderhyrje nga ajri, ndryshe demet do jene me temedha.pse nuk shkojne helikopteret me kova kur kerkohen ne raste te tilla? Kush e mban pergjegjesine per koston e larte qe shkaktojne djegjet e pyjeve ? Zjarrvenesit te denohen si vrases te mjedisit dhe te cdemtohen demet qe jane sjelle prej tyre
PërgjigjuPo si nuk kapet nji here kta ndyrsira dhe ti beni shembull ne burg me pune te detyruar per gjith jeten.
Përgjigju