Gjatë ditëve të para të muajit korrik në portin e Durrësit ka pasur një flus të madh të udhëtarëve dhe makinave.
Burime nga Autoriteti Portual Durrës bëjnë me dije se në 5 ditët e para të korrikut, 10.674 udhëtarë janë transportuar me tragete.
Shtatë tragetet e linjave Durrës – Bari dhe Durrës – Ankona kanë transportuar 10.674 udhëtarë dhe 2.039 autovetura gjithsej.
Nga të dhënat e Sektorit të Statistikave, në periudhën 1-5 korrik të këtij viti, tragetet janë shfrytëzuar nga 6997 udhëtarë me 1485 autovetura, që kanë mbërritur në Durrës.
![](https://shqiptarja.com/template/img/NO_ALFA_Kuadrate shqiptarja.png)
Ndërkaq nga Durrësi janë nisur më pak udhëtarë dhe automjete, përkatësisht 3677, me 554 autovetura gjithsej.
Këto ditë ka nisur të aplikohen shtesa në lundrimet e trageteve për shkak të rritjes së pritshme të fluksit të udhëtarëve, kryesisht turistë dhe bashkëatdhetarë që mbërrijnë për pushime pranë famijeve të tyre në vendin tonë, Kosovë dhe Maqedoni.
![](https://www.shqiptarja.com/template/img/sh_logo1.png)