Në 29 prill 2018 rreth mesnatës një shofer 24 vjeçar papritur mori kthesën djathtas në magjistralen afër Rhein-Neckar (Gjermani). Automjeti i tij u përplas me mburojat anësore dhe me një shtyllë betoni derisa vetura lëvizi edhe 100 metra tjera për t’u ndaluar mbi një pemë.
Dëmet e shkaktuara llogariten në 28 mijë euro, shkruan mrn-news.de, përcjell albinfo.ch. Shkaktar i aksidentit ka qenë alkooli dhe shpejtësia tej normave.
24 vjeçari nga Shqipëria e kishte marrë veturën pa lejen e pronarit. Këtu bëheshte fjalë për një shqiptar që gjithashtu qëndronte ilegalisht në Gjermani. Duke mos pasur edhe një adresë banimi në Gjermani, ndaj shqiptarit është shqiptuar masa e paraburgimit.