"Fluturon" në FB Shqiptarja.com 
lë pas mediat e tjera ... ja shifrat

Në më pak se 5 vjet mes lexuesve shqiptarë gazeta Shqiptarja.com arrin shifrat më të larta që një media e shkruar shqiptare ka marrë në rrjetet sociale e konkretisht ne Facebook. Sipas të dhënave më të fundit e lehtësisht të verifikueshme nga të gjithë Shqiptarja.com këto ditë ka arritur shifrën e 250.000 “likes”, pëlqime,  nga lexuesit e saj, duke lënë shumë mbrapa me shifra të jashtëzakonshme edhe media e agjenci  lajmesh në web te pranishme në treg që në vitin 2000, që nuk kanë  arritur akoma në 150 mijë like dhe gazeta e televizione të tjera shqiptare që edhe pse prej shumë vitesh në treg, nuk arrijnë të fitojnë “zemrat” e shumë lexuesve.
 
Ndryshe nga renditja e Alexa.com, në të cilën futen vetëm mediat që paguajnë kompaninë dhe arrijnë majat ato që paguajnë më shumë, në Facebook renditja dhe numri i likes është më transparent. Mediat apo faqet që paguajnë FB shënon qartë mesazhi “i sponsorizuar”, gjë që nuk ndodh me matësin Alexa.com. Shqiptarja.com si politikë të saj, ka zgjedhur të mos paguajë as Alexa.com as Facebook dhe asnjë mjet komunikimi online. Edhe Report TV, televizioni me I I ri I informacionit ka një shifër prej mbi 159 mije like.
 
Facebook është një matës shumë i mirë dhe një orientim më i ndershëm edhe për kompanitë që duan të reklamojnë në sa më shumë persona aktivitetet dhe prodhimet e tyre.
 
Pasqyra e mediave kryesore informative shqiptare sipas like në Facebook te cilat kushdo mund t’i verifikoje duke hyre ne faqet përkatëse.
 
Shqiptarja.com 251.353 (like)
Balkanweb 145.950 (like)
Report TV 159.00 (like)
OraNews 64.604 (like)
Panorama 179.325 (like)
Shekulli  207.238 (like)
Tema 98.416 (like)
Lapsi.al 40.937 (like)
Mapo 27.837 (like)
Newsbomb 27.309 like
Monitor 4.382 (like)







Redaksia Online
Shqiptarja.com