'Fluturonin' me 186 km/h, policia gjobit 113 drejtues mjetesh në Fier, arreston 5 shoferë! Pezullohen 47 patenta në 48 orë

FIER- Fundi i sezonit turistik po shton fluksin e pushuesve që nisen drejt jugut të Shqipërisë për të shijuar bregdetin. Nisur nga ky fluks, gjatë kontrolleve të ushtruara në Bypass-in e Fierit dhe aksin rrugor Lushnjë-Fier, janë gjobitur 113 drejtues mjetesh pasi janë konstatuar duke thyer rregullat e qarkullimit rrugor.

Përkatësisht, 34 shoferë janë gjobitur me masë administrative nga 20 mijë lekë në 40 mijë lekë, pasi po lëviznin me shpejtësi deri në 186 km/h. Gjithashtu për këta shoferë është pezulluar leja e drejtimit nga 2 muaj deri në 12 muaj, në varësi të shkeljes që kanë kryer.

Ndërkaq, 79 drejtues të tjerë mjetesh janë gjobitur me gjobë nga 3 mijë lekë në 6 mijë lekë pasi po udhëtonin me 140 km/h, ku limiti i lejuar ishte 110 km/h.

Sa i përket shoferëve që janë arrestuar, bëhet me dije se 3 prej tyre po drejtonin mjetin në gjendje të dehur dhe 2 të tjerë po lëviznin pa patentë.

Gjithashtu janë ndëshkuar me pezullim të lejes së drejtimit 13 drejtues mjetesh, pasi po drejtonin mjetin nën efektin e alkoolit në masë që varionte nga 0.31 mg/l deri në 0.49 mg/l.

Policia apelon për drejtuesit e mjeteve që të zbatojnë rregullat e qarkullimit rrugor në mënyrë që të ruajnë veten dhe të tjerët.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez