Kombëtarja shqiptare nuk ka arritur të hakmerret për humbjen e një muaji më parë kundër Lituanisë, pasi në ndeshjen e dytë në Ligën e Kombeve kuqezinjtë nuk kanë shkuar më shumë se një barazim 0-0 edhe pse patën disa raste të pastra shënimi.
Në këtë 90 minutësh Reja bëri disa ndryshime në formacion nga ndeshja me Kazakistanin ku aktivizojë nga minuta e parë Lenjanin në vend të Trashit, Laçin në vend të Kallakut dhe Seferin në vend të Manajt.
Rasti i parë për t’u evidentuar ishte në minutën e 23 kur një top i prekur me dorë në zonë nuk u akordua penallti në favor të kuqezinjve. Për më tepër për protesta u ndëshkua me të verdhë Qazim Laçi. Në minutën e 37 ishte portieri i skuadrës vendase që bëri heroin duke pritur një goditje të bukur në zonë nga Seferi.
E njëjta skemë u përsërit sërish në minutën e 65 kur Seferi i vetëm për vetëm nuk realizoi me portierin. Deri në fund në listën e shpërdorimeve e vendosi emrin edhe Trashi, që ndoshta pati mundësinë më të mirë për t’i dhënë tre pikët Kombëtares.
Për kuqezinjtë ky ishte barazimi i dytë radhazi 0-0, pasi tre ditëve i njëjti rezultat u përsërit me Kazakistanin. Pas katër ndeshjeve në grup kuqezinjtë gjenden në kuotën e 5 pikëve, ndërsa kanë realizuar vetëm 2 gola. Dy ndeshjet e fundit në grup do të luhen në nëntor në stadiumin Air Albania ku ekipi i drejtuar nga Reja do të presë Bjellorusinë dhe Kazakistanin.
Taulant Seferi, sulmuesi i kombëtares shqiptare, është shprehur shumë i zhgënjyer me arbitrimin në përfundim të ndeshjes me Lituaninë, të cilën e barazuam me rezultatin 0-0. Seferi ishte edhe autori i dy rasteve të mira për gol, por njëkohësisht edhe ai që goditi topin në rastin e dyshimtë për penallti.
“Jam shumë i mërzitur. 100% e kemi merituar fituar. Kemi fituar çdo duel në fushë. Fati nuk na deshi. Jam i mërzitur. I kërkoj falje të gjithë çunave. Mendoj se kam bërë një super paraqitje, ishte ndeshja ime e parë si titullar dhe besoj shumë në veten time se në të ardhme do të vijnë shumë gola për Kombëtaren. Besoj që Kombëtarja është duke shkuar në rrugë të mirë.
Ishte 100 % penallti ajo, topi po shkonte drejt portës, do futej gol. Gjykimi ka qenë katastrofik. Nuk ka qenë në favor tonin. Prandaj them që 100% e kemi merituar fitoren, nuk na deshi fati. Kam 2 vite që luaj sulmues qendre, ky pozicion po më përshtatet më shumë”, u shpreh Seferi për “Supersport”.
Në përfundim të ndeshjes me Lituaninë trajneri Reja është shprehur i keqardhur që Kombëtarja nuk mundi të realizonte në një nga rastet e shumta që krijoi. Sipas trajnerit italian kuqezinnjve i mungon një sulmues që të dërgojë topin në rrjetë, por ai thekson se me rëndësi është projekti për rigjenerimin e ekipit.
3 ndeshje pa shënuar gol- Me të vërtet më vjen keq. Krijuam shumë raste. Na u mohua një penallti që për mendimin tim ishte. Nuk dua të justifikohem. Krijuam raste, por për të fituar duhet të shënosh gol. Patëm raste me Seferin dhe Trashin. Në qoftë se nuk shënojmë është faji jonë.
Zëvendësimi i Lenjanit- Ndryshimi ndodhi për shkak se Lenjani dha shumë në pjesën e parë. Pati zbritje nga krahu dhe u fut në zonë.. Krosimet i kishte të ulta. Trashin e futa për t’i dhënë një natyrë tjetër lojës. Kemi 5 ndërrime, doja që secili nga repartet të kishte freski.
Mungesa e Kallakut dhe sulmuesit- Fakti që në ndeshjen e Kazikistanit Kallaku pati performancë të mirë, nuk do të thotë që do të ishte detyrimisht pjesë e ndeshjes së sotme. Ka pasur shumë lojtarë të rinj që iu dhamë mundësinë. Nuk e kemi problemin te krijimi i rastit por te finalizimi. Na ka munguar goli. Na mungojnë lojtarët që të kenë ftohtësinë për të konkretizuar. Rëndësi ka projekti dhe plani për të krijuar një rigjenerim të ekipit me këta lojtarë të rinj.
Broja dhe Kumbulla- Ndërrimi i Kumbullës ishte zgjidhje e imja. Mendoj që ishte vendim i duhur, çdo kush ka idenë e tij. Broja bëri një ndeshje të mirë, mbase jo aq sa ajo ndaj Kazakistanit. Unë duhet t’i jap mundësinë të gjithë të rinjve që të fitojnë eksperiencën. Të japin diçka në lojë dhe të kontribuojnë në ekip. Të njëjtën gjë bëra edhe në sulm, me aktivizimin e Manajt dhe Vrionit. Është e vështirë kur luan në transfertë të gjatë, mbas 3 ditësh. Isha i kushtëzuar ti bëja këto zgjedhje.
2 ndeshjet që na presin, janë mundësi që të marrim 6 pikë dhe të jemi në krye të grupit. Barazimet që sapo kaluam nuk është se më bëjnë të ndihem mirë. Shtysa për të vijuar është shumë e fortë”, u shpreh Reja për “Supersport”.
90+5’ Përfundon ndeshja e Kombëtares, barazon 0-0 me Lituaninë. Kuqezinjtë shpërdorojnë shumë raste, ky barazimi i dytë radhazi. Ndeshja e vlefshme për Ligën e Kombeve, Kombëtarja në kuotën e 5 pikëve
46’ Ka nisur pjesa e dytë e sfidës, me Kombëtaren që shpreson të dalë me pikë të plota.
45-2’ Përfundon me rezultatin 0-0 pjesa e parë edhe pse Shqipëria ishte më kërkuese për golin.
38’ Pas një këmbëngulje të gjatë Seferi godet bukur në zonë, por portieri i Lituanisë bën mrekullinë duke shpëtuar kuadratin pasi e dërgoi topin në goditje këndi.
23’ Një moment tepër i dyshimtë në zonën e Lituanisë, pasi Kombëtarja pretendon për një prekje topi me dorë. Nga pamjet dallohet qartë se topi është ndalur me dorë, por për gjyqtarin nuk ka 11-metërsh. Të verdhë për Qazim Laçin për protesta.
1’ Ka nisur në Lituani ndeshja e Kombëtares, me kuqezinjtë të cilët duan të hakmarren për atë humbje një muaj më parë më rezultatin 1-0 në Air Albania.
Komente
Lajme të tjera
-
Zyrtare/ UEFA i dha fitoren në tavolinë Rumanisë, FFK ankohet në CAS për racizmin e Bukureshtit: Kosova kërkon të drejtën që meriton
5 Dhjetor, 11:40 -
Dështimi i Kombëtares në Ligën e Kombeve, Baze për Report Tv: Armand Duka s’mori përgjegjësi, po ia faturon Sylvinhos
29 Nëntor, 19:48 -
Renditja e re në FIFA/ Kombëtarja në vendnumëro, mbetet e 65-ta në botë! Kosova shkruan historinë, ndodhet e 99-ta
28 Nëntor, 14:06 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Shorti më 22 nëntor, skuadrat çerekfinaliste dhe verdiktet e plota në Ligën e Kombeve
20 Nëntor, 17:44 -
Dështimi në Ligën e Kombeve dhe formacioni, përplasje në Kombëtare! Kapiten Ismajli e Uzuni dalin publikisht kundër Sylvinhos
20 Nëntor, 16:43 -
Zyrtare/ UEFA me dorë të fortë, Kosova humbet 3-0 ndeshjen e braktisur në Bukuresht për racizëm! Rumania gjobë 128 mijë euro dhe një sfidë pa tifozë! FFK: E apelojmë në CAS
20 Nëntor, 15:12 -
'Bëme regres në Ligën e Kombeve, s'e kuptoj pse Sylvinho nuk ndryshon?!' Rraklli kritika për trajnerin: Po s'shënove nuk shkohet në Botëror
20 Nëntor, 14:18 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Barazojnë Gjermania e Holanda, Bosnje-Hercegovina zbret në Ligën B! Martinez si Maradona, kthen Argjentinën te fitoret (VIDEO)
20 Nëntor, 12:23
Ekip zorraxhinjsh.... Gjithmon rrifen dhe nxirni pretekse. Tifozeria duhet ta bojkutoi kete ekip me gjith trenieret qe marin miljona dhe nuk ka asnje rezultat.
PërgjigjuO Sefero luajtet shum mire po fati nuk ju desht!por per penalltin qe nuk jua dha mos u merzit shum,se edhe atyre jua hengri nje penallti sade futbolli i ka keto,prandaj mos u merzit.
PërgjigjuSukses se moren dy pike jasht fushe .
PërgjigjuO redo kta vetem futbollist nuk Mund ti thuash cfare te duash quaji