POP 5

Lajmet më të lexuara të 5 minutave të fundit

Sport

Formacioni/ Grezda starton si titullar sonte përballë Skocisë

Grezda do të jetë titullar në formacionin bazë, ndërsa në vijën e parë nuk ndryshon asgjë nga ndeshja me Izraelin, teksa Balaj do të luajë përpara, duke qenë dhe një arsye më tepër që tifozët shkodranë të jenë të pranishëm në impiant për të mbështetur kombëtaren.

Formacioni/ Grezda starton si titullar sonte përballë Skocisë

Foto ilustruese

Stërvitja e fundit e kuqezinjve në Shkodër u duk se zgjidhi dhe mëdyshjet e fundit që trajneri Cristian Panucci kishte lidhur me formacionin anti-Skoci. Eros Grezda që këtë herë iu bashkua grupit në stërvitje, zgjidhi edhe enigmën më të madhe për italianin, që do ta ketë të gatshëm sulmuesin e Gllasgoë Rangers për ndeshjen e kësaj të shtune.

Sipas asaj që Supersport ka mundur të mësojë, Grezda do të jetë titullar në formacionin bazë, ndërsa në vijën e parë nuk ndryshon asgjë nga ndeshja me Izraelin, teksa Balaj do të luajë përpara, duke qenë dhe një arsye më tepër që tifozët shkodranë të jenë të pranishëm në impiant për të mbështetur kombëtaren. Sulmuesi shkodran do të mbështetet nga gjakovari Grezda, por edhe beratasi, Myrto Uzuni, që ka zënë një vend fiks nga minuta e parë.

Në portë ndërkohë Strakosha do të jetë numri 1, ndërsa vendin e Elseid Hysajt në të djathtë të mbrojtjes pritet ta zërë Frederik Veseli, pozicion që ai e ka mbajtur edhe në periudhën kur kombëtarja drejtohej nga De Biasi, ndërsa në të majtë konfirmohet Binaku, me dyshen Gjimshiti-Mavraj në qendër.

Sa i përket mesfushës, pas një kohe të gjatë, rikthehet nga minuta e parë Ergys Kaçe, i cili do të zërë vendin e Bashës së pezulluar, ndërsa bashkë me të në mesfushë do të luajnë dhe Memushaj e Xhaka. Formacioni i mundshëm: Strakosha; Veseli, Gjimshiti, Mavraj, Binaku; Kaçe, Xhaka, Memushaj; Uzuni, Grezda; Balaj./supersport

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05