Kombëtarja shqiptare e futbollit do luajë dy ndeshjet e radhës kualifikuese për grupin E të Europianit 2023. Në 7 shtator kuqezinjtë do luajnë në "Fortuna Arena" të Pragës kundër Çekisë (20:45) kryesuese të grupit, ndërsa në datën 10 tanët presin në Tiranë skuadrën e Polonisë.
Pasditen e djeshme kuqezinjtë të udhëhequr nga trajneri Sylvinho kanë zhvilluar seancën e parë stërvitore në përgatitje të dy dueleve, teksa shqetëson gjendja e Qazim Laçit. Për shkak të një viroze, lojtari është lënë në hotel për mos rrezikuar.
Gjithashtu edhe shtatë lojtarët që luajtën të diel me klubet e tyre dhe u bashkuan paraditen e djeshme me ekipin, janë lënë të stërviten të diferencuar për mos u ngarkuar fizikisht. Praktikisht, Ylber Ramadani, Arlind Ajeti, Berat Gjimshiti, Arbnor Muja, Ernest Muçi, Elseid Hysaj dhe Elhan Kastrati kanë zhvilluar stërvitje të diferencuar mes palestrës dhe ushtrimeve fizike në fushë pa top.
Për grupin E kualifikues të Euro 2024, Çekia me shtatë pikë mban vendin e parë pas tre ndeshjeve, ndjekur nga Shqipëria me gjashtë pikë dhe Moldavia me pesë pikë (një ndeshje më shumë). Polonia mban vendin e katërt me tre pikë dhe Ishujt Faroe në fund me një pikë.
Sa i takon rreshtimit në fushë, Sylvinho pritet të luajë me skemën 4-3-3, ndërsa balotazh ka në mbrojtje dhe mesin e fushës. Berisha pritet në portë, ndërsa Balliu, Hysaj dhe Gjimshitit duken të paprekshëm në prapavijë. Mesi i fushës është ai që i shkakton telashe brazilianit të stolit, me emrat dhe cilësinë që nuk mungon. Në mëdyshje Asllani i Interit për shkak të minutazhit, ndërsa sulmi duket se nuk do ndryshojë. Për t'u parë edhe ambientimi i dy risive të Kombëtares, Muja dhe Daku, që kërkojnë shanset përballë çekëve në transfertë.
Duke marrë në konsideratë faktin se kuqezinjtë në vetëm tre ditë do luajnë dy ndeshje, trajneri duket i kujdesshëm për t'i përshtatur çdo kundërshtari lojtarët e duhur, duke nisur se të dyja skuadrat, si Çekia dhe Polonia janë fizike dhe shtatëlarta.
Formacioni i mundshëm kundër Çekisë:
Shqipëria (4-3-3): Berisha; Balliu, Ismajli (Ajeti), Gjimshiti, Hysaj; Bare, Ramadani, Bajrami (Gjasula); Asani, Uzuni, Cikalleshi Trajner: Sylvinho
Lajme të tjera
-
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Përfitojnë 177 mijë pensionistë në Tiranë/ Nis aplikimi i të moshuarve për abone falas
18 Dhjetor, 17:49 -
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’
18 Dhjetor, 15:36 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
Proteston mamaja e Martin Canit: E çova në shkollë Martinin, por si më erdhi?
18 Dhjetor, 14:27 -
FOTOLAJM/ Ja si bllokohet trafiku në zonën e Bllokut në Tiranë
18 Dhjetor, 13:47 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06
