POP 5

Lajmet më të lexuara të 5 minutave të fundit

Politikë

Forumi vjetor strategjik i BE në Ljubljanë, Rama dhe Xhaçka udhëtojnë drejt Sllovenisë! Në 3 shtator në Itali

Bisedimet do të përqendrohen në rimëkëmbjen ekonomike pas pandemisë, rimëkëmbjen e turizmit dhe tema e nxehtë e zgjerimit të BE-së, që i paraprin Samitit të tetorit.

Forumi vjetor strategjik i BE në Ljubljanë, Rama dhe Xhaçka udhëtojnë drejt Sllovenisë! Në 3 shtator në Itali

Kryeministri Edi Rama dhe ministrja Olta Xhaçka

Kryeministri Edi Rama dhe ministrja e Jashtme, Olta Xhaçka do të udhëtojnë në datat 1-2 shtator drejt Lubjanës të Sllovenisë për të marrë pjesë në forumin strategjik të BE-së, me në fokus të ardhmen e Evropës dhe përgjigjen efektive ndaj sfidave aktuale, sic është pandemia Covid që ka "gjunjëzuar" botën.

Temat e diskutuara në ditën e parë të Forumit me përfaqësues të BE-së, KE-së dhe Ballkanit Perëndimor, do të përfshijnë të ardhmen e procesit të zgjerimit të BE-së, një nga diskutimet më të forta në Forum, që i paraprin samitit BE - Ballkani Perëndimor në tetor.

Në ditën e dytë të takimit, bisedimet do të përqendrohen në rimëkëmbjen ekonomike pas pandemisë dhe rimëkëmbjen e turizmit. 

Pas mbërritjes nga Sllovenia, në 3 shtator, kreu i qeverisë do të niset drejt Italisë, kur shënohet 30 vjetori i zbarkimit të 20,000 shqiptarëve në anijen e Vlorës në Bari.

Rendit zhvillimet sipas orarit:
Ora 22:43
Vuçiç poston foton krah Ramës dhe Zaevit në Slloveni: Me miq të dashur në pritje të forumit nën hijen e Ballkanit të Hapur

Presidenti i Serbisë, Aleksandër Vuçiç ka postuar një foto krah kryeministrit Edi Rama dhe kryeministrit të  Maqedonisë së Veriut, Zoran Zaev. Takimi i tyre është bërë në Ljubljanë në Slloveni në prag të takimit për Forumin Strategjik të Bledit që zhvillohet më 1 dhe 2 shtator.

Teksa i cilëson Ramën dhe Zaev si miq të dashur, Vuçiç shkruan se ky forum po zhvillohet nën hijen e nismës "Ballkani i Hapur"

“Forumi i Bledit nën hijen e Ballkanit të Hapur. Mirësevini miq të dashur” – shkruan Vuçiç.

Postimi i Vuçiç

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01