FOTO/ 5 dritat e Krishtlindjes më interesante në botë që ju duhet patjetër t'i shihni

Gjithçka merr më tepër ngjyra gjatë kohës së Krishtlindjeve. Mijëra drita vezulluese ndriçojnë rrugët dhe qytetet e mbarë botës.

Pikërisht dritat dhe ngjyrat e shumëllojshme tërheqin vëmendjen jo vetëm të vendasve por edhe të huajve.

Më poshtë do t'iu sjellim disa pamje të mrekullueshme nga 5 qytete të botës, të cilat kanë qenë një atraksion turistik gjatë këtyre Krishtlindjeve.

1. Krishtlindjet në Rrugën e Pemëve në Singapor

Duke qenë se është qendër kryesore blerjesh Orchard Road është një nga rrugët më të ngarkuara dhe më të preferuara të Singaporit, por gjatë festave, ajo shndërrohet në një mrekulli të vërtetë të Krishtlindjeve. Miliona vizitorë grumbullohen për të shijuar atmosferën festive të festave çdo vit.

Këtë vit, tema e Krishtlindjes është "Dhurata më e Madhe". Dekorimet  përfshinë Grange Road dhe Lulishten e Pemishteve. Ndriçimi i Krishtlindjes në Rruzhinë do të zgjasë deri më 1 janar 2020.

2. Kobe Luminarie në Japoni

Jeni melankolik apo adhurues i historisë, shijoni një shfaqe dritash me motive nga e kaluara.

Kobe Luminarie është një festival i përvitshëm i dritës që i jep haraç viktimave të tërmetit shkatërrues të Madh Hanshin në 1995.

Çdo vit qendra e qytetit Kobe mbulohet nga mijëra e mijëra llamba të vogla të pikturuara me dorë. Këto drita ndizen nga 6 deri në 15 dhjetor 2019 për disa orë gjatë natës.

3. Galeria e Dritave, Trekëndëshi Ayala në Filipine

Vendi më i mirë në Filipine për të parë dritat e Krishtlindjes është Trekëndëshi Ayala në Qytetin Makati. Nga nëntori deri në janar, Galeria e Dritave ndriçon parkun në natyrë, duke funksionuar çdo 30 minuta për disa orë çdo natë.

Shumë vendas në Metro Manila udhëtojnë drejt këtij vendi për të parë shfaqjen e dritave të Krishtlindjes dhe të dëgjuar tingujt në muzikën festive.

4. Kopshte Tivoli në Danimarkë

Që nga viti 1843, parku argëtues i Danimarkës dhe i ashtuquajturi kopshti i kënaqësisë është bërë një vend që duhet vizituar me patjetër nga të gjithë turistët në vend.

Vizitoni parkun historik të Tivolit në Kopenhagë për të shijuar nga dritat e Krishtlindjes deri tek karuseli deri te fishekzjarret verbuese të fundvitit.

5. LuminoCity Festival në New York, SHBA

Çdo vit, New York City sjell disa nga pamjet më të bukura të dritave të Krishtlindjeve në botë. Me mijëra turistë vizitojnë Rockefeller Center për të parë ndriçimin e pemës së Krishtlindjes.

Ka mjaft shfaqje dritash Krishtlindjeje në Big Apple, duke përfshirë edhe Festivalin e ri të LuminoCity në Randalls Island. Festivali i dritave përbëhet nga një kështjellë e ndezur në qiell deri te pyjet magjepsëse të ëmbëlsirave me një mal karamele.

B.K.//Shqiptarja.com

TAG:
• dritat e krishtlindjes