Foto-dëshmi/Lulzim Bashën
nuk e voton as lagjia e tij

Jo vetëm Partia Demokratike ka humbur thellë në këto zgjedhje parlamentare, por vetë kryetari i PD Lulzim Basha ka marrë ‘grushtin’ më të rëndë.

Bashën nuk e ka votuar as lagja ku ai jeton.  

Sic e shihni në këtë procesverbal, kryeopozitari nuk ka marrë më tepër se 151 vota duke u mundur edhe brenda shtëpisë së tij në njësinë Nr. 8.

Zgjedhjet e shkuara parlamentare të 2013 në këtë qendër votimi PD kryesonte me 222 vota kundrejt 198 votave që morri PS.

Ndërkohë që nga numërimi i votave të kësaj qendre për zgjedhjet e që u zhvilluan dje, ka rezultuar se Lulzim Bashën nuk e kanë votuar as fqinjët dhe të afërmit e vet.

Kjo pasi PS aktualisht në këtë qendër votimi ka marrë 212 vota, ndërsa PD 151 vota, pra duke siguruar një avantazh me 61 vota më shumë.



Ervin Bushati: Dy here mat
Ironi per kete ka bere dhe kandidati i PS-së për deputet në Tiranë, Ervin Bushati i cili ka deklaruar se kreu i PD-së Lulzim Basha ka humbur edhe në qendrën e tij të votimit e njohur si bastion historik i PD.

Më anë të një postimi në facebook Bushati publikon edhe procesverbalin nga numërimi i qëndrës Qendrës së Votimit 1929 ku dhe ka votuar Kreu i PD lulzim Basha.

Gjithashtu Bushati shkruan se Luli humbi në “çerdhen” e tij me 212 vota për PS & 151 vota për PD.

Postimi i Bushatit:
2 HERË MAT…BASHA  [✌🏻]   [🌹]
Në QV 1929 e njohur si bastion historik i PD por dhe si “çerdhja” e Lulit, sot na sjell rezultatin surprizë me 212 vota për PS & 151 vota për PD (+61)!!!
Këtu votoi DJE — kryetari i SOTËM(?) i Partisë Demokratike të Shqipërisë!
#ShqiperiaqeDuam



(d.b/Shqiptarja.com)

/Shqiptarja.com