FOTO/Dhurata që Rama i bëri
senatorit republikan McCain

“120minuta të paharrueshme me një mik të madh të shqiptarëve dhe një mbështetës besnik të Shqipërisë në rrugën e reformave që bëjnë shtet [🇦🇱] [🇺🇸]".

Kështu shkruan kryeministri Edi Rama në rrjetin social, teksa publikon edhe një foto me John McCain, ndërsa më pas, kreu i qeverisë zbuloi edhe një dhuratë të veçantë që i ka bërë senatorit amerikan. 

Një album me foto të avionëve dhe helikopterëve amerikanë të përgjuar nga regjimi komunist. 

Madje, për koincidencë, ndër avionët e fotografuar nga Sigurimi i Shtetit ishte dhe ai i pilotuar nga senatori John McCain. 

(Edi Rama dhe John McCain)

(Dhurata e Edi Ramës për John McCain)

“Vizita e Senatorit John McCain më dha mundësinë t’i dhuroja këtë liberth të një kohe të shkuar duke medituar fjalët që ky mik i madh shqiptoi në Kosovë se sa absurde do kishte qënë që miqtë e sotshëm të ishin vrarë dje mes njëri-tjetrit.

Dedikimi:

“Ekzemplar i rrallë i një doracaku mbi aeroplanët dhe helikopterët e “armiqve” të Republikës Popullore Socialiste të Shqipërisë, shtypur nga Ministria e Mbrojtjes popullore, për përdorim sekret nga kuadro të lartë të ushtrisë, në Tiranë, 1977. Në brendësi (f. 29) shfaqet avioni A-7E CORSAIR II, të cilin e ka pilotuar një mik i madh i shqiptarëve, senatori i ardhshëm John McCain, gjatë karrierës së tij të shkëlqyer në Marinën amerikane.

Si kujtim për një kohë të harruar, në shërbim të një miqësie jetëgjatë”, shkruan Rama.

Redaksia Online
l.q/Shqiptarja.com