POP 5

Lajmet më të lexuara të 5 minutave të fundit

Kronikë

Ja momenti kur grupi i zjarrit sulmoi me kallashë në Vlorë Inez Hajrullën dhe 6 shokët e tij në lokal(VIDEO+FOTO)

Një person i veshur me të zeza, doli nga makina dhe qëlloi me armë. Në foto duket një njeri i shtrirë tek lulet, shpëtoi pa asnjë lëndim nga breshëria me kallashnikovë që kishin shënjestër Inez Hajrullën. Sulmi u ndërpre pas përgjigjes me armë nga Hajrulla.

TIRANË - Shqiptarja.com siguron fotot ekskluzive ku tregohet momenti i sulmit me dy kallashnikovë, në 10 maj 2019 ndaj Inez Hajrullës dhe gjashtë shokëve të tij, që ishin duke pirë kafe në një nga lokalet në kompleksin “Oslo” në Lungomare të Vlorës.

Makina tip “Land Rover” e vjedhur në Vlorë nga autorët e sulmit, afrohet pranë lokalit “A&B Mazana” dhe prej derës së parë, duket qartë që del një person i veshur totalisht me të zeza dhe me maskë, dhe nis të qëllojë me automatik në drejtim të grupit të djemve që ndodheshin nën shoqërinë e Inez Hajrullës.

Për prokurorinë dhe policinë e Vlorës, tashmë nuk ka asnjë dyshim që grupi i zjarrit në këtë sulm kanë qenë tre personat Fatmir Hyseni ose Elidon Musaj, që njihet ndryshe me nofkën “Doqia”,Gentian Dauti (Zoto) dhe Igli Memaj “Sulitoti”.

Hyseni momentalisht është shpallur në kërkim për këtë ngjarje, por edhe për vrasjen në Tiranë të ish-efektivit të policisë, Santiago Malko. Ndërkohë dy bashkëpunëtorët e tjerë Igli Memaj dhe Gentian Dauti janë arrestuar në Itali dhe pritet që shumë shpejt të ekstradohen në Shqipëri.

Fotot e siguruara nga pamjet e kamerave të sigurisë, tregojnë qartë momentin e sulmit, ku një person ka dalë nga mjeti “Range Rover”, tjetri ka ulur xhamin e derës prapa dhe ka qëlluar prej andej, ndërsa personi i tretë qëndron në timon.

Fotografitë e shkëputura nga filmimi i një kamere të një biznesi në vendndgjarje, tregojnë se pas breshërive të para, një person ende i paidentifikuar është shtrirë në tokë, dhe fatmirësisht nuk ka pësuar asnjë dëmtim.

Pas dy qitjeve, më pas autori që ka dalë nga makina është tërhequr me vrap duke hyrë brenda në “Range-Rover”, pasi njëri nga 6 djemtë që ndodhej në lokal, Inez Hajrulla, ka reaguar me një pistoletë që mbante me vete, duke bërë që autorët të ndërpresin sulmin dhe të largohen në drejtim të bashkisë së Vlorës dhe mandej në periferi të qytetit.

Sipas policisë dhe prokurorisë së Vlorës nëntë personat që kanë marrë pjesë në atentatin ndaj Hajrullës dhe miqve të tij, janë Fatmir Hyseni, “Doqia”, Daut Elmazi, nipi i Armando Sulejmanit “Çipurit”, Igli Memaj, Gentian Dauti, Serxho Ademi, Albano Goxhaj, Dejvison Serjani, Ardjan Ahmeti dhe Xheladin Merko. Të vetmit që vijojnë të jenë në kërkim për këtë ngjarje janë Fatmir Hyseni dhe Serxho Ademi.

Atentati në kompleksin “Oslo” vjen si pasojë e përplasjeve mes grupimeve në Vlorë dhe kjo ngjarje, për policinë dhe prokurorinë ka lidhje me atentatin e 17 shkurtit 2019, ku u synua të ekzekutohej me 78 plumba Armando Sulejmani “Çipuri”, por në këtë ngjarje mbetën të vdekur kunati i tij Resti Rexho dhe Arjan Hasanaj, të cilët u bënë shoshë nga plumbat. Vetë “Çipuri” në këtë ngjarje mbeti i plagosur lehtë dhe më pas u arrestua nga policia, për akuzën e “mbajtjes pa lejë të armëve”.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 16/12/2019 15:29

    Hajrullahët, Baftjarë, Selxhukë, Hysnij, Kadrij, Bexhetë, Hyqmetë, Nexhdetë Safetë etj . Po nuk iken keta emra osmanë nuk behet vendi

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën

Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën

23 Dhjetor, 11:26