Kryeministri Rama i ka qëndruar besnik pasionit të tij të vjetër, basketbollit dhe nuk e ndërron atë me asnjë tjetër. E themi këtë pasi kryeministri ynë, ndryshe nga ç’ishte njoftuar në axhendën e Samitit të Vjenës, nuk u bë pjesë e skuadrës “E ardhmja e BE-së”. Dita e parë e samitit u mbyll me një ndeshje futbolli mes dy ekipeve që u quajtën “E ardhmja e BEsë” dhe “Ekipi i BEsë”.
Në fushën e blertë austriake ekipin e të “Ardhmes së BEsë” do të përfaqësohej nga kryeministri Edi Rama me dy ministrat e tij, Arban Ahmetaj dhe Ditmir Bushati, por luajtën vetëm dy ministrat tanë, së bashku me ministrin nga Bosnja Crbadak, nga Kosova Hashim Thaçi, nga Maqedonia kryeministri Gruevski dhe nga Serbia kryeministri Vuçiç.
Ndeshjen e arbitroi komisioneri Hahn. Kjo ndeshje synon në mënyrë simbolike, nxitjen e bashkëpunimit rajonal, dhe politikave të përbashkëta si një skuadër e vërtetë që punon për të kapërcyer sfidat e integrimit. Ndeshja u fitua nga “E ardhmja e BE-së” me rezultatin 4-2. Foto të tjera