FOTO/ Stuhia 'Gerrit' godet Britaninë! Mijëra pa energji elektrike, ndërpriten shërbimet e trenave dhe fluturimet

Rreth 100 shtëpi u dëmtuan në Manchester, pasi stuhia Gerrit goditi Britaninë e Madhe. Stuhia shkaktoi përmbytje dhe ndërpreu udhëtimin në zona të tjera të Britanisë së Madhe, ku më së shumti u godit Skocia, ku mijëra shtëpi mbetën pa energji elektrike.

Disa fluturime u anuluan për shkak të erërave të forta. Paralajmërimet e verdha të motit u lëshuan për disa pjesë të Mbretërisë së Bashkuar të mërkurën me parashikimin e kushteve të dimrit, raporton Daily Mail.

Met Office paralajmëroi për erëra të forta, borë të dendur dhe shi në Skoci, shi të dendur në Anglinë veriore dhe pjesën më të madhe të Uellsit, dhe erëra të forta përgjatë gjithë bregdetit jugor të Anglisë.

British Airways anuloi18 fluturime të brendshme të mërkurën për shkak të kushteve të vështira. Shërbimet e prekura janë udhëtimet e kthimit midis Heathrow dhe Aberdeen, Edinburgh, Glasgow, Jersey dhe Manchester.

Drejtuesit këshillohen të tregojnë kujdes pasi kushtet e motit kanë sjellë kufizime të shpejtësisë. Met Office paralajmëroi për erëra të forta dhe shi në të gjithë Mbretërinë e Bashkuar dhe kushte ‘të rrezikshme dimërore’ në Skocinë veriore.

Ura Severn në M48 është mbyllur për shkak të kushteve të erës, me trafikun e devijuar në urën e Princit të Uellsit në M4.

Foto nga dëmtimi i një shtëpie në Britani pas stuhisë

Foto nga shembia e murit pas stuhisë

Thyerja e pemëve pas stuhisë

Stuhia thyen xhamat e makinave

S.S/Shqiptarja.com

TAG:
• Britani e Madhe
• energji elektrike
• Skoci
• stuhi