POP 5

Lajmet më të lexuara të 5 minutave të fundit

Sport

FOTO/ 'The Best' ndan Gjimshitit me Sylvinhon, zbulohet si votoi Shqipëria për çmimet e vitit të FIFA-s

Pikët maksimale për argjentinasin i ka dhënë edhe kapiteni ynë i kombëtares Gjimshiti, ndërsa Sylvinho ka menduar ndryshe.

FOTO/ 'The Best' ndan Gjimshitit me Sylvinhon, zbulohet si votoi Shqipëria për çmimet e vitit të FIFA-s

Lionel Messi një vit më parë

FIFA surprizoi të hënën teksa shpalli Lionel Messin fituesin e çmimit ‘The Best’ për vitin 2023. Pak muaj pas Topit të Artë, që gjithashtu u diskutua gjatë, argjentinasi konfirmohet si më i miri i vitit edhe nga FIFA, duke lënë pas Erling Halaand, sulmuesin e Manchester City-t i cili fitoi tripletën e famshme sezonin që lam pas, por gjithashtu edhe këpucën e artë në Europë, duke realizuar 52 gola.

Sa i përket Shqipërisë kapiteni i kombëtares Berat Gjimsiti votoi me pikët maksimale 5 Lionel Messin, 3 pikë ishin për Halaand dhe një pikë për Rodrin. Ndryshe ka votuar trajneri Sylvinho, i cili mendon se çmimin ‘The Best’ e meritonte Halaand dhe për këtë arsye e ka votuar me 5 pikë. Trajneri brazilian i kombëtares 3 pikë ka zgjedhur për Messin, ndërsa me 1 pikë ka votuar mesfushorin tjetër të Cityt Kevin de Bruyne.

Çuditërisht asnjë prej 3 kandidatëve për të fituar çmimin ‘The Best’, si Messi, Halaand ashtu edhe Mbappe, nuk morën pjesë në ceremoninë e FIFA-s në Londër. Ra në sy, se vetë Mbappe ka votuar me pikët maksimale Lionel Messin.

Ndërkohë Pep Guardiola është shpallur trajneri i vitit, duke lënë pas dy italianët Luciano Spaletti-n i cili fitoi trofeun me Napolin dhe Simone Inzaghin, i cili dërgoi Interin në finalen e Championsit. Spanjolli u vlerësua për fitimin e ‘tripletës’, teksa për herë të parë i dhuroi Manchester Cityt një trofe Champions League.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14