POP 5

Lajmet më të lexuara të 5 minutave të fundit

Kultura

Fotografi nga Kumanova, Osman Demiri ekspozitë në Fier: Imazhe të buta e surreale

Fotografi nga Kumanova Osman Demiri ka çelur në Fier një ekspozitë të veçantë, titulluar “Ç’ka mundet detaji nuk mundet tërësia’’. Artisti bën një shkëputje nga kaosi aktual në të cilin jetojmë dhe reflekton detajet që në përditshmëri mund t’i shpërfillimin.

Me ekspozitën “Ç’ka mundet detaji nuk mundet tërësia’’ u prezantua para publikut fierak, fotografi nga Kumanova, Osman Demiri.

Drita është subjekt primar i fotografisë së Demirit dhe mjeti me të cilin ai vizaton botën, vlerësojnë kritikët.

Tek shumica e fotografive të kësaj ekspozite, ajo që shihet është vetëm një vijë horizontale e pafundme, si një infinit artistik.

“Janë 30 fotografi. Janë detaje që i prezantoj për herë të parë sonte. Janë detaje që i kam fotografuar gjatë shëtitjeve në vende të ndryshme. Sot nuk mund t’ia tregosh gjithë tregimin njerëzve, jam munduar të prezantoj tregimet e mia përmes detajeve të vogla”, tha Demiri.

“Ajo që karakterizon këto fotografi, janë imazhet e buta, surreale, përtej vijës janë ngjyrat dhe strukturat magjike”, tha Elenica Paloli, drejtore e galerisë.

Ekspozita e Osman Demirit, vjen si vazhdimësi natyrale e konkursit ndërkombëtar të fotografisë Fokus, zhvilluar ne Galerinë e Arteve Fier,  ku ai bashkë me kolegët e tjerë ka qenë prezent prej shumë edicionesh. I lindur, në trojet shqiptare te Maqedonisë se Veriut, Osman Demiri, është specializuar për fotografi në Milano. Demiri është autor i dhjetëra ekspozitave personale dhe në grup në vende të ndryshme të botës.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05