FOTOLAJM/ Berisha e Nano sms për
analistët përballë Tahirit te 'Opinion'

TIRANE- Mbrëmë në emisionin “Opinion” në tv Klan të Blendi Fevziut, ka pasur një debat të nxehtë mes ministrit të Brendshëm Saimir Tahiri i ftuar përballë analistëve për të folur për situatën e rendit por dhe operacionin e arrestimit të bandës së tritolit.

Shpesh gjatë debatit ministri i Brendshëm Tahiri i tërhiqte vëmendjen analistëve duke i thënë se për pyetjet, dhe qëndrimet e tyre, të cilat sipas tij kishin si qëllim për të zbehur punën e policisë në luftën me kriminalitetin, i bënin pasi lexonin mesazhet që i mbërrinin në celular.

Sot në rrjetet sociale janë shpërndarë dhe fotot ku duket qartë se në telefonatat e analistëve  kanë mbërritur një sërë mesazhesh.


(Foto: Me rreth të kuq, SMS e Sali Berishës)

Madje në telefonin e një analisti  minutë pas minute mbërrinin mesazhe nga ish kryeministri Berisha por dhe dhëndri i tij Jamarbër Malltezi.
Në një foto tjetër dërguesi i mesazhit është Fatos Nano i cili i shkruan Artur Zhejit:
“Po fol o lacko se na çau k… ky  k…”
Në studio përballë Saimir Tahirit mbrëmë ishin të ftuar analistët Artan Hoxha, Artur Zheji, Robert Rakipllari por dhe Andi Bushati.
 
Gjatë gjithë kohës analistët kanë mbajtur në dorë celularët.


(Foto: SMS e Fatos Nanos)

Redaksia online
(sg/shqiptarja.com)