Ndonëse sot u zyrtarizua kalimi i deputetes Mesila Doda nga Partia Demokratike tek Partia për Drejtësi, Integrim dhe Unitet, kësaj të fundit nuk i ndahet shpirti nga PD-ja dhe lideri i saj historik, Sali Berisha.

mesila doda
Siç shikoni edhe në këto foto, sot ajo në seancën e sotme të Kuvendit, është fotografuar duke përqafuar ish-kryeministrin Sali Berisha, përqafim që duket se është bërë me shumë respekt dhe përzemërsi nga të dy.

mesila doda

Kjo tregon se Mesila Doda ndonëse është larguar prej kohësh nga grupi parlamentar i Partisë demokratike, vijon që të ruajë një miqësi të bukur dhe të vërtetë me Sali Berishën, i cili në zgjedhjet parlamentare të vitit 2013 e kandidoi atë në Fier, aty ku ajo mori edhe mandatin e saj si deputete.

mesila doda

Mesila Doda vendosi që të largohej nga Partia Demokratike, pas pakënaqësive të saj sa i takon drejtimit të partisë nga ana e kryetarit të saj, Lulzim Basha.

Që nga sot ajo është pjesë e PDIU dhe pas dy javësh pritet që të marrë drejtimin e grupit parlamentar të PDIU.

Redaksia Online
(F.T/shqiptarja.com)