Sarandë - E etiketuar si perla e Jugut, Saranda është një bukuri natyrore unike në llojin e saj. Bukuritë natyrore që ajo ofron lënë mbresa jo vetëm tek ne, por më së shumti edhe tek turistët e huaj që vijnë nga të gjitha anët e botës për të vizituar këtë qytet.
saranda
Një grup studentësh të huaj të kursit të zhytjeve kanë realizuar një aventurë në disa prej vendeve më të bukura që të mundëson Saranda.

Fotot që ata kanë realizur pasqyrojnë një panoramë të jetës së gjallë nën ujore të detit Jon. Uji i kristaltë dhe objekte të vjetra të gjetura prej tyre janë një pasuri e rrallë e historisë së popullit shqiptar.

Grupi i të rinjve ka vizituar ndër të tjera edhe Syrin e Kaltër (Blue Eye), të cilët janë zhytur në thellësinë e burimit. Fotot e shkrepura nga ata të lënë vërtetë me gojë hapur kur shikojmë se çafrë thesari i ka ofruar natyra Shqipërisë. Ekspedita e grupit të zhytjeve nëpër brigjet e detit Jon ka zgjatur rreth 7 ditë.

(v.gj/shqiptarja.com)