Makina luksoze, veshje fine dhe buzëqeshje. Këto ishin tre tiparet kryesore që binin në sy paraditen e sotme te ‘Hotel Tirana’, aty ku socialistët u mblodhën për Asamblenë e PS.
Në fotot që sjell më poshtë Report Tv, duken ministrat dhe deputetët e PS të qeshur, teksa i drejtohen Asamblesë. Para ‘Hotel Tirana’ janë vendosur një sërë makinash luksoze, ndërsa nuk mbeten pas dhe zyrtarët socialistë, të cilët janë kujdesur mjaft mirë për pamjen dhe veshjen e tyre.
Mes të cilëve, spikat dhe kryeministri Edi Rama, i cili ngjit shkallët e ‘Hotel Tirana’ me telefon në vesh, ndërsa era i merr paksa xhaketën nga pas. Për më tepër, shikoni disa nga momentet pikante të nisjes së Asamblesë së PS, ku nuk mungon dhe Spartak Braho, i cili deri para zgjedhjeve të qershorit 2017 ishte pjesë e LSI.
Në përfundim të Asamblesë së PS, socialistët janë ndarë me puthje e përqafime mes tyre. Në disa foto të shkrepura nga LSA, shihen momentet kur ministrat, deputetët dhe anëtarët e asamblesë Kombëtare të PS dalin nga ‘Hotel Tirana’, aty ku u zhvillua mbledhja.
Socialistët ndahen me njëri-tjetrin me puthje e përqafime, ku më i ‘përmalluari’ duket kryebashkiaku i Vlorës, Dritan Leli. Ndërsa më seriozi duket se është kreu i Kuvendit, Gramoz Ruçi, pa përjashtuar dhe kryebashkiakun e Durrësit, Vangjush Dako.
Komente
![](https://www.shqiptarja.com/template/img/sh_logo1.png)
Akoma me Takun ne PS zoti Timonier . Je ne opozite me LSI ku Taku eshte kryesori dhe e mban dhe ne PS . Ty nuk ka njeri te zgjuar te te kuptoj. E ke bo PS si corbe ku hane te gjitha ngjyrat politike
Përgjigju