FOTO+VIDEO/ Superjahti i ministrit të Jashtëm të Emirateve të Bashkuara Arabe ankorohet në Durrës

DURRËS- Një tjetër superjaht luksoz ka mbërritur në Portin e Durrësit. Ai quhet ‘Opera’ dhe i përket sheikut Abdullah bin Zayed Al Nahyan, ministër i Jashtëm i Emirateve të Bashkuara Arabe dhe anëtar i familjes mbretërore të Emirateve të Bashkuara Arabe.

“Opera Yacht” është një nga superjahtet më të mëdha në botë, me një vlerë prej 450 milion dollarësh, i prodhimit të vitit 2022. Jahtet turistike vijojnë të përshkruajnë bregdetin tonë, ndërsa kalojnë për tu furnizuar edhe me karburant. 

Lidhur me mbërritjen e superjahteve lukzose, Rama shkruajti në rrjetet sociale se ky sezon ka qenë fantastik për Portin e Durrësit, ku kanë ardhur 257 jahte të mëdha turistike dhe 21 kroçera.  Ai paralajmëron flukse të shtuara, falë investimeve dhe transformimeve të mëdha në infrastrukturën portuale që do të marrin jetë hap pas hapi.

“Lürssen dhe Koru nuk janë emrat e asnjë personazhi vizatimor, por superjahtet luksoze që kanë zgjedhur Durrësin për t'u ndalur në këto ditë të para të shtatorit. Sezoni ka qenë fantastik për Portin e Durrësit, me 257 jahte të mëdha turistike dhe 21 kroçera që janë mikpritur nga autoritetet shqiptare, duke qenë vetëm një shembull i vogël i flukseve të shtuara turistike, të cilat do të rriten ende më shumë falë investimeve dhe transformimeve të mëdha në infrastrukturën portuale që do të marrin jetë hap pas hapi”, shkruan Rama.

Një ditë më parë në Portin e Durrësit mbërriti jahti “Koru” i themeluesit të Amazon Jeff Bezos. Superjahti ndaloi në portin më të madh shqiptar për t’u furnizuar me 170 mijë litra karburant, para se të riniste lundrimin drejt Italisë.

Rendit zhvillimet sipas orarit:

Të Fundit Të Parat

SI.E./Shqiptarja.com

TAG:
• Durres
• Abdullah bin Zayed Al Nahyan