Francë, 50 makina përfshihen në
një aksident, 5 viktima

Të paktën 5 persona kanë humbur jetën si pasojë e një aksidenti ku janë përfshirë 50 automjete në Francën perëndimore.

Si pasojë e aksidentit rreth 40 persona janë dërguar në spital, ndërkohë 6 prej tyre janë në një gjendje të rëndë shëndetësore për shkak të plagëve të marra.

Aksidenti ka ndodhur në autostradën që lidh  La Roche-sur-You me Sables-d’Olonne.

Ende nuk është zbulua se çfarë e ka shkaktuar këtë aksident, por momentalisht dyshohet se kufizimi i fushëpamjes nga mjegulla mund të jetë shkak kryesor.

Policia dhe ambulancat kanë shkuar në vendngjarje ku situata po përkeqësohet edhe nga bllokimi i trafikut i cili ka disa orë që vazhdon.

Redaksia Online
D.T/Shqiptarja.com