Francë, dorëhiqet ministrja Taubira
"Të rezistosh është të largohesh"

Ministrja franceze e Drejtësisë, Christiane Taubira, për shkak të mosmarrëveshjes me ekzekutivin mbi një projetligj të privimit të shtetësisë së autorëve të akteve terroriste, i paraqiti sot dorëheqjen presidentit François Hollande, njoftoi sot presidenca.

Dorëheqja e ministres 63-vjeçare, garancia e së majtës në qeverinë e Manuel Valls dhe e përbuzura nga e djathta e cila e akuzon për tolerancë të tepruar, vjen ndërsa kryeministri pritet të paraqesë sot para deputetëve tekstin përfundimtar të projektit për reformën kushtetuse mbi gjendjen e jashtëzakonshme dhe heqjes së statusit të shtetësisë.

“Shpeshherë të rezistosh është të qëndrosh, shpeshherë të rezistosh është të largohesh. Për fjalën e fundit mbi etikën dhe ligjin”, komentoi Christiane Taubira në platformën Twitter.

“François Hollande dhe Christiane Taubira ranë dakort për shkak të domosdoshmërisë për të lënë postin e saj, në një moment kur debati mbi rishikimin kushtetues do të nisë sot në Asamblenë Kombëtare në komisionin për ligjet”, shkruan Elysee në një deklaratë / ATSH/

Redaksia Online
(Gre.M/Shqiptarja.com)