Hollande u shpreh se të ndarë Europa do të jetë më e hapur ndaj mosmarrëveshjeve. "Ajo që dikur ishte e pamendueshme, tashmë është bërë e pakthyeshme” tha shefi i Elizeut. Këtë të hënë pritet të ketë një takim në Berlin mes kancelares Merkel, presidentit Hollande dhe kryenimistri Renzi për të diskutuar vendimin e Britanisë per të qënë jashtë BE-së.
Edhe Sekretari Amerikan i Shtetit, John Kerry pritet të shkojë këtë të hënë në Londër dhe Bruksel për bisedime.
Në Bruksel Kerry pritet të takohet me shefen e e politikes sw jashtme në BE Federica Mogherini dhe në Londër do të takohet me ministrin e punëve të jashtme Filip Hammond.
Këtë të shtunë ministrat e jashtëm të vendeve themeluese të BE kërkuan që negociatat me Londrën të nisin sa më shpejt.
Nga ana tjetër David Cameron i cili u dorëhoq pas vendimit të referendumit ia ka lënë këtë përgjegjësi pasardhësit e tij.
Ndërsa ministri i ekonomisë Britanike Osborne u shpreh se do vendi do të dal nga Unioni kur të jetë gati duke pranuar se dalja do të ketë pasoja ne tregje.
Redaksia Online
(xh.k/shqiptarja.com)