Franca e ka dënuar 30 vite! Gjykata 'kyç' pa afat kushëririn e 'Escobarit të Evropës', turku: Më lironi

TIRANE-Gjykata Penale ka vendosur që turku Faruk Baybašin, i arrestuar në datë 24 dhjetor të vitit të kaluar të vijojë që të qëndrojë në qeli pa afat. Masa e parë se sigurisë prej 40 ditëve që ishte vendosur në dhjetor me qëllim ekstradimin drejt Francës përfundonte sot dhe avokati kërkoi shuarjen e lirimin e tij. 

Por duke qenë se kërkesa për ekstradimin e tij është në gjykim, prokuroria kërkoi zgjatjen e qëndrimit të tij në burg pa afat, që është pranuar nga gjykata. Prokuroria kërkon ekstradimin e turkut, pasi ai është dënuar në Francë me 30 vite burg. Ai akuzohet për trafikim të lëndëve narkotike nga Turqia, përmes Spanjës në Francë.

Ai është dënuar si pjesë e trafikantëve të familjes Baybesin, konsideruar si "Eskobarët e Evropës". Në seancën e sotme që është zhvilluar në gjykatën penale të Tiranës, gazetarja e Report Tv Xhensila Kodra ka zbardhur edhe debatin e tij me gjyqtarin Gert Hoxha.

Baybašin: Dua të bëjë një pyetje. A është në fuqi ligji për të drejtat e njeriut në Shqipëri? Unë nuk kam qenë asnjëherë në Francë.
Gjyqtari Gert Hoxha: I kemi të gjitha ligjet, madje ligje që ju nuk i keni në Turqi.
Baybašin: Kam 40 ditë këtu, duhet të isha liruar, në bazë të të drejtave të njeriut.
Gjyqtari: Kur të shkoni në Francë kërkoni ndryshimin e vendimit, i cili u mbaron në vitin 2003. Ndaloj ekstradimin në Francë vetëm nëse rezulton gjatë gjykimit që nuk mund të bëhet një gjë e tillë.

Gjykata do i vërë në dispozicion të gjitha aktet e vendimit të dënimit në Francë, të cilat do përkthehen me afat dy javor. Seanca e radhës në datën 04 shkurt, ora 10:00. Më 24 dhjetor, Faruk Baybesin  tentoi të hynte në Shqipëri nëpërmjet pikës së kalimit kufitar Rinas për t’u fshehur, por u zbulua nga autoritetet shqiptare që ishte një person në kërkim me ngjyrë të kuqe dhe i dënuar për trafik të heroinës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Guvernatori i Bankës, Gent Sejko takohet me homologun kroat

Guvernatori i Bankës, Gent Sejko takohet me homologun kroat