Franca vendos të ndalojë inçestin për herë të parë që nga viti 1791! Vendimi vjen pas një sërë skandalesh

Qeveria franceze po planifikon të ndalojë inçestin për herë të parë që nga viti 1791. Incesti aktualisht është i ligjshëm në Francë nëse nuk përfshihen fëmijët. Megjithatë Sekretari i Shtetit për Fëmijët ka deklaruar së fundmi se qeveria donte të kriminalizonte marrëdhëniet incestuese edhe nëse të dyja palët janë mbi moshën 18 vjeç.

Në një intervistë për AFP, Taquet tha: “Sido qoftë mosha, ju nuk keni marrëdhënie seksuale me babanë tuaj, djalin apo vajzën tuaj. Nuk është çështje moshe, nuk është çështje pëlqimi i të rriturve. Ne po luftojmë kundër incestit. Sinjalet dhe ndalimi duhet të jenë të qarta.

Sipas rregullave të ndryshuara, të cilat do ta sillnin Francën në përputhje me shumicën e vendeve të tjera evropiane, kushërinjtë do të lejoheshin ende të martoheshin.

Ministrat nuk kanë konfirmuar ende nëse familjet me njerk do të përfshihen në ndalim.

Krimet të tilla si inçesti, blasfemia dhe sodomia u hoqën nga në vitin 1791 - një trashëgimi e Revolucionit Francez që hoqi moralin e frymëzuar nga krishterimi i sjellë nga regjimi i vjetër.

Tema e inçestit ishte disi një tabu deri vitin e kaluar, kur një nga komentatorët më të shquar politikë të Francës u akuzua për abuzim seksual.

Olivier Duhamel, 70 vjeç, i cili i përshkroi akuzat për 'inçestin' si 'sulme personale' u akuzua në një libër, të shkruar nga njerka e tij Camille Kouchner, se kishte abuzuar me vëllain e saj binjak për dy vjet nga mosha 14-vjeçare.

 

K.T./r.k./Shqiptarja.com

TAG:
• france
• incest