"France 2": Shqipëria, tokë
premtuese për turizëm, investime

FRANCË - “Shqipëria është një copë toke premtuese për operatorët turistikë, si dhe për investitorët e huaj”, cilësohet në emisionin e njohur francez, "Envoyé Spécial" (France2), që transmeton albinfo.

Më tej shpjegohet se vendi i Shqiponjave është shumë afër Francës, megjithatë ajo është injoruar deri tani nga turistët.

Gjatë një kohe të gjatë Shqipëria ishte diktatura më e mbyllur e bllokut komunist, e burgosur brenda paranojës së liderit të saj, Enver Hoxha.  

Njëzet vjet pas rënies së komunizmit, kjo republikë e vogël e Ballkanit ende vuan nga një reputacion i keq.

Shumë pak janë ata që njohin bregdetin e saj me rërë të bardhë, malet e saj, trashëgiminë dhe klimën e saj me diell. Shqipëria, jo edhe shumë e madhe, ka një potencial të fuqishëm të turizmit. Ajo josh udhëtarët e etshëm për të zbuluar vise të reja.  

Ne kemi ndjekur Claude dhe Claudine, një çift gjashtëdhjetetetëvjeçar, të cilët dëshironin të realizonin një ëndërr të fëmijërisë: zbulimin e gjurmëve të komunizmit. 

Emisioni ka shoqëruar Michel-Yves Labbé, themeluesin e një agjencie për udhëtim, i cili donte të vlerësonte nëse hotelet janë në përputhje me standardet evropiane dhe nëse udhëtimet janë të lehta e pritja është miqësore. 

Redaksia Online
(mag/shqiptarja.com)