Francë, 8.000 persona të arrestuar që nga nisja e protestave të jelekverdhëve

Rreth 8,000  është bilanci i personave të arrestuar nga protesta e jelekverdhëve në Francë, tha të enjten përmes një deklarate ministri i Brendshëm francez, Christophe Castaner.

Protestat në Francë filluan më 17 nëntor 2018 për të protestuar ndaj kostove të larta të jetesës dhe politikave të padrejta ekonomike në vend.

Autoritetet kanë arrestuar rreth 8,000 njerëz që kur lëvizja filloi tre muaj më parë, me 7.500 prej tyre të mbetur në paraburgim, tha Castaner. Ai deklaroi gjithashtu se 1,300 policë, xhandarë dhe zjarrfikës ishin plagosur.

Presidenti francez Emmanuel Macron i shqetësuar nga protesta është shprehur se protestat e dhunshme të jelekverdhëve duhet të përfundojnë..

"Ngjarjet në ditët e fundit në lidhje me lëvizjen e jelekverdhëve kanë  marrë një kthesë të re pas dhunës kundër shtëpisë së Kryetarit të Asamblesë Kombëtare, zyrave parlamentare, institucioneve të Republikës, por edhe dhunës ndaj disa prej bashkëqytetarëve tanë për shkak të bindjeve të tyre" tha Macron në një deklaratë.

Për javë të tëra mijra njerëz janë mbledhur së bashku për të protestuar duke krijuar trazira e incidente të shumta në qytet franceze

TAG:
• france
• Protesta
• jelekverdhet