PARIS- Ish kryeministri i Francës Dominique De Villepin është arrestuar nga policia franceze në kuadër të një hetimi për korrupsion. Lajmi bëhet i ditur nga e përditshmja franceze “Le Monde”.

Ndaj Villepin është vendosur masa e ndalimit sot në mëngjes në Paris. Le Monde shkruan se de Villepin i është kërkuar që të japë shpjegime mbi rolin në cështjen e Relais & Chateaux.

De Villepin ka qenë mik i ngushtë i presidentit të shoqërisë Relais & Chateaux, Regis Bulot dhe një seri përgjimesh telefonike ndërkombëtare zbuluan ndërhyrjen e ish kryeministrit për të ndihmuar mikun e tij të mos i hapeshin cështje juridike. Flitet për një mashtrim që kap shifrën e 1. 6 milionë eurove. Regis Bulot është i arrestuar për mashtrim që prej 2011.
(sg/shqiptarja.com)