Francë, autobusi shkollës përplaset
nga kamioni, 6 fëmijë humbin jetën

Një tjetër tragjedi shënohet në rrugët e Francës.Të paktën 6  fëmijë humbën jetën si pasojë e një aksidenti të ndodhur në Charente Maritime në perëndim të Francës.  Sipas mediave franceze bëhet me dije se  autobusi është përplasur me një kamion.

Aksidenti i rëndë ndodhi në orën 7 e 15  të mëngjesit kur një autobus shkolle u godit nga një kamion që transportonte zhavorr. Deri më tani mësohet se gjashtë fëmijë kanë humbur jetën, ndërsa 3 të tjerë janë plagosur duke përfshirë edhe shoferin e autobusit.



Pasi u përplas me kamionin, autobusi është goditur nga një objekt i madh metalik i cili mbante ngarkesën.





Policia dhe shërbimet e emergjencës gjenden në vendin e ngjarjes, ndërkohë që zona është përfshirë nga kriza. Të pranishëm kanë qënë dhe ministri i arsimit dhe të ekologjisë Najat Belkacem-Vallaud dhe Ségolène Royal.



Por dinamika e tragjedisë është ende e paqartë bëjnë me dije autoritetet.







Redaksia online
(Shqiptarja.com)