Francë, eksperimente klinike ‘të egra’ te pacientët me Alzheimer, mjekët abuzues rrezikojnë burgun

Hetime të thelluara në Francë për kryerjen e eksperimenteve klinike të supozuara "të egra" në Poitiers.

Molekula me efekte të panjohura janë testuar në të paktën 350 pacientë me sëmundjen e Parkinsonit dhe Alzheimerit, pjesërisht të shtruar në spitalin e Sainte-Croix.

E intervistuar këtë mëngjes nga ‘France Inter’, Ministrja e Shëndetësisë Agnès Buzyn e denoncoi faktin dhe e quajti një "gabim të rëndë" dhe tha që ajo ishte "shqetësuar dhe tmerruar" për atë që ndodhi. "Do të ketë sanksione," premtoi ministrja, ndërsa agjensia franceze e drogës (AFM) ngriti një padi.

Të sëmurët, të cilët ishin rekrutuar nga një institucion i krijuar nga profesorët Jean-Bernard Fourtillan dhe Henri Joyeux, 'Fondi Josefa', morën pjesë në eksperimentet në një abaci afër Poitiers.

Në strukturën e imrpovizuar, pacientët që morën ilaçe, në formën e copëzave të lëkurës, derivate te melatoninës, e kaluan natën në spital dhe ditën tjetër ata iu nënshtruan analizave të gjakut.

"Ky eksperiment - lexohet në një njoftim për shtyp nga ‘Ansm’, - u krye pa autorizimin e agjencisë, me substanca te të cilat cilësia, efektet dhe toleranca nuk dihen”.

Zbulimi i testeve të bëra u bë në fillim të shtatorit gjatë një inspektimi në laboratorët, ku u dërguan mostra gjaku për analiza.

Eksperimenti i paligjshëm mund t'u kushtojë autorëve një gjobë prej 15,000 euro dhe mbi një vit burg, pa llogaritur asnjë ankesë penale.

"Besimi i pacientëve është abuzuar. Kjo është një çështje shumë serioze, tha Ministri Buzyn për mediat franceze.

 

/Shqiptarja.com

TAG:
• france
• alzheimer
• Agnes Buzyn
• Poitiers
• Sainte-Croix
• Parkinson